Page 75 - Неизвестное название

Биэс тарбах
Мэнэгэйдээх биэриитин
Биэрээри гынным,
Уон тарбах
Оноҕойдоох уунуутун
2870 Уунаары гынным,
Үөл эттээҕинэн үксэннэрэр
Сылаас хааннааҕынан сыламнатар
Күнүм буолла,
Буойака! — диэтэ,
Инньэ диирин кытта
Өксөкү кыыл
Өрүтэ үнүөхтээтэ,
Үөһэнэн чолойдо,
Айаҕын дьаллатта,
2880 Кытыастар төлөннөөх
Кыһа түгэҕин курдук
Кытаччы атта,
Кыһыл тыла
Кылыс-батыйа курдук
Кыыбырҕаччы чолоҥноото,
Бэтиэхтиир мэҥийэр
Бэлэһин үүтүттэн
Аныгастаах ардайдаах,
Аһыылаах тиистээх
2890 Сырҕан эһэ саҕа
Сүрэхтээх быара
Бысаҕаһыгар диэри
Былтаҥнаан көһүннэ.
Тустуулаах Дьуруо Бөҕө
Толбонноох эбирдээх
Тойон кыыл диэки
Тааҕылаах убаһатын
Быраҕарын кытта,
Өрө күөрэйэн тахсан истэҕинэ,
2900 Өтүмэх устата сиртэн
Лап гыннаран,
Хабан ылан,
Ыйыстан ньылыс гыннарда,
Мэҥиэстэн мэлис гыннарда.
Куолайын тыаһа
Күҥкүйэлээх үрэх
Көҥүһүн курдук
- 72 -