Page 76 - Неизвестное название

Күллүгүр гынна,
Хабарҕатын тыаһа
2910 Халаан үрэх
Хаспаҕын курдук
Халлыгыр гынна,
Иһин түгэҕэр тиййэн
Иччитэх уһаакка
Быраҕар курдук
Ньыл гына түстэ,
Кураанах куртаҕын иһигэр
Куллугур гыннаран кэбистэ,
Сэттэ таадылаах убаһатын
2920 Сэттэ төгүл бырахпытын
Сэттэ чооруос курдук
Ыйыстан мэлис гыннарда.
Ол гынан баран
Өксөкү кыыл
Аһаабыт-сиэбит
Киһи быһыытынан
Тумсун түөһүн түүтүгэр
Туора-маары сотон,
Улуу уус игиитин тыаһын курдук
2930 Киикир-хаакыр
Аалан кэбистэ,
Таҥалайын таҥсынан
Чаҥ алтаны
Балталаан эрэр курдук
Чаҥкыначчы чыҥырҕаата,
Саманнык диэн
Саҥа саҥаран
Сатарыйан барда:
— Буойака, буойака!
2940 Ол адьарай бөҕө,
Алдьархайдаах адьырҕата
Айыым дьоно
Анааран билбэтэх
Амырыыннаах аат сирим
Анарааҥы тардыытыгар
Атын дьабын дайдылаах
Адьарай бөҕө буолуо,
Күн өркен уустара көрбөтөх
Дьөлөркөй үөдэн
2950 Түҥкүнүүр түгэх өртүгэр

- 73 -