Page 80 - Неизвестное название

3080 Арбахтаах тиит саҕа
Абааһыта дагдайа сиэлбит,
Көмнөхтөөх үөт саҕа
Көстүбэтэ көппөйө сүүрбүт,
Барыһан турар
Баҕыырдаах мастаах,
Оборо сытар
Оботтоох оттоох,
Дьөлүтэ тыгар
Сүлүһүннээх тигээччилээх,
3090 Саба түһэр
Дьааттаах сахсырҕалаах*,
Таҥнастыгас дайдылаах,
Сиҥнэстигэс сирдээх
Барылыы сытар бадарааннаах,
Курулуу турар куталаах,
Куордаах куодаһыннаах,
Хохтоох холоҥсолоох
Күлүк бороҥуи дойду- устун
Күүстээх буурҕа курдук
3100 Күлүгүлдьүтэн истэ.
Билиги баран истэҕинэ,
Аартыгын айаҕын
Сирэй-харах дьүүлэ биллибэт,
Уос-тиис омооно суох,
Харах-сирэй хамаана көстүбэт
Илии-атах тыллыбатах,
Иннэ-кэннэ биллибэт
Сүлүгүр түү курдук
Дьэргэлгэн күлүк киһи
3110 Көстөр-көстү бэт
Күлүҥнүүр эбит.
Чугаһаан кэлбитэ —
Суолу бүөлүү суодаҥнаата,
Аартыгы бүөлүү аадаҥнаата,
Ол гынан баран
Тойук туойан тоҕо барда,
Ырыа ыллаан ыыра сытыйда:
— Буойака, буойака,
Бу туох дойду
3120 Дьулаҕайын туура тэбинэн,
Туран кэлбит
Туох бэйэлээх
- 77 -