Page 82 - Неизвестное название

Тутан ылаҥҥын
Ээхтэрин этитэн,
Эппиэттэрин истэн,
Тыҥырахтарын сарбыйан,
3170 Тылларын ыйытан,
Хардъардаспыт өртүн
Хаалдьыгын хайытан,
Баатырҕаспыт өртүн
Бастарын бысталаан,
Бөһүгүрэтэн-лөһүгүрэтэн,
Мунньан-чөмөхтөөн
Киллэрээр диэн,
Бигэ бирикээһи биэрбитэ,
Суһал соругу туттарбыта.
3180 Онон эбит буоллаҕына
Кэлэн иһэр наадаҕын
Кэпсии оҕус.
Ааккын-суолгун
Этэ тардыый.
Боотурҕаһар буоллаххына
Баскын быһа тардан,
Ботуоҥкабар угуом,
Эккин сэймэктээн
Итии хааҥҥын иһиэм,
3190 Сүһүөххүн сүһүөм*,
Сүмэҕин оборуом,
Буойака! — диэтэ.
Инньэ диирин кытта
Тустуулаах Дьуруо Бөҕө
Кыыһырыах хаана
Кыйахалаабыт тыс курдук
Хорук тымырдарын кыайан барда,
Уордайыах санаата
Олгуйдаах уу курдук
3200 Уолугун үүтүнэн оргуйа түстэ.
Уон тарбаҕын сүрэвэ
Уон сордоҥ балык курдук
Бөллүргэччи мөгүөлээтэ,
Икки иэнин иҥиирэ
Киил айа кирсин курдук
Кэдэриччи тарта.
Икки хараҕын уота
Икки чанчыгын аһын
- 79 -