Page 85 - Неизвестное название
P. 85
Силлиэ-буурҕа курдук
Сабыта тыбыырталаата,
Итии сириэһин курдук
Ииктээн сирилэтгэ,
Кытарбыт болгуо курдук
3300 Бачыгыраччы саахтаата,
Быттатын тыаһа былыкка,
Хаттатын тыаһа халлааҥҥа
Үрдүк туруук хайа
Мөлдьөгүннээх мөҥүөнүгэр
Өрө сүүрэн тахсан,
Өрүтэ бүгүллэхтээтэ.
Үс күннээх-түүнү быһа
Өрүтэ мөҕөн,
Күрэ тааһы
3310 Көмүрүө хаар курдук
Көҥүтэ табыйда,
Суорба тааһы
Тоҥот хаар курдук
Тоҕута тэбиэлии турда.
Айыы уолун
Кылыһын тыаһа
Кыырай халлааҥҥа кыырайда,
Батаһын тыаһа
Байҕал уҥуор чаҥкынаата,
3320 Кылана-кылана кырбаата,
Улуйа-улуйа оҕуста,
Часкыйа-часкыйа таһыйда.
Ата буоллаҕына
Абааһы уолун
Дуолан куйаҕын
Тоҕута табыйа турда.
Ол курдук
Абааһы уолун
Аттыын-бэйэлиин
3330 Тоҕус күннээх-түүн
Томтойо торолуйа
Туолан кэлиэр диэри
Тохтоло суох
Солоҥдо тураҕас ат
Тоҕута табыйа турда.
Тустуулаах Дьуруо Бөдө
Эппиэтэ суох
- 82 -
