Page 81 - Неизвестное название

Суһал сорукка,
Тутумаллаах айаҥҥа
Чучурааннык айаннатан,
Чолоһутан истэххиний?
Тохтоо, болҕой эрэ,
Нойон киһиэ,
Бу тоҕус тоҕойдоох
3130 Суол хатын
Суостаах тойоно,
Аҕыс тоҕойдоох
Аартык хатын
Амырыын баһылыга
Мин буолабын.
Ол кимҥиний диэтэххинэ,
Алдьархайдаах садыамнаах
Аллараа дойду
Аҕа баһылыга,
3140 Адьырҕа бухатыыра
Тимир Сигиди бухатыыр
Быһылааннаах быраата
Хатан тарбахтаах халтарыйар,
Сытыы тыҥырахтаах сынтарыйар,
Уулаан ньуурдаах
Утары дуксуйбатах
Дапсыыр хара ытыстаах,
Таба харбаабатах
Таас Чугуунай бухатыыр
3150 Диэн буолабын.
Убайым орто дойдуттан
Оҕолорун одьунааһын
Умсулҕаннаах ньуурдаах
О go Ньургустайы
Ойох ылан ааспыта.
Айыы аймахтарыттан албаннаахтара,
Сулумах кулун уолаттара
Суолбун солоон,
Быһый атахтаахтара,
3160 Бэкидийэр бэртэрэ
Батыһан киирэн
Быһыта-хайыта тыытан
Былдьаһа-тараһа
Сылдьыахтара диэн,
Суолларыгар тоһуйан
- 78 -