Page 84 - Неизвестное название

Омуннаахтык уостуганнаата,
Уун-утары
Омуннаах үлүгэрдик
Ойутан тиийдэ.
Кыырыктаах биилээх
Кылыс батыйатынан
Сындыыс чаҕылҕан курдук
Кыыһар былыты кырыытынан
3260 Кыһыырдан аҕалан
Кырбаабытынан барда,
Сааллар чаҕылҕан курдук
Дайбаабытынан барда.
Абааһы уола
Аһаран ардахыс гынна,
Сыыһа-халты дайбатта,
Сиритэ-хайыта оҕустарда,
Иннинэн ЭЛЭҤНЭЭТЭ,
Көхсүнэн күлүҥнээтэ,
3270 Үөһэ диэкинэн
Өрүкүс гынна,*
Аллараа диэкинэн
Адаарыс гынна.
Арай биирдэ көрбүтэ —
Били баҕайы
Атын боллоругар түһэн баран,
Ыыппат гына
Ыаҕас курдук ыадаҥнаабыт,
Симиир курдук тэйбэҥнээбит эбит,
3280 Сүллүгэс курдук лөһүөрдэммит,
Тобулу чупчуйбут,
Оботтоохтук оборон,
Иҥсэлээхтик ИҤЭН,
Этин симэһинин
Эриэн үөн курдук
Эмэн эрэр эбит.
Билиги гынарын* кытта
Солоҥдо тураҕас
Ат барахсан
3290 Соһуйан-сиргэнэн,
Туора-маары көтгө,
Уһаты-туора ыстанна,
Таныытын тыаһа
Саталаах этин1 курдук сатарыйда,
- 81 -