Page 86 - Неизвестное название

Ибили таһыйан истэ.
Абааһы уолун
3340 Хара килэдьи
Халыҥ куйаҕыттан
Эстэрик-эстэрик эмтэрийдэ,
Кыстык-кыстык caija
Кыыраттан истэ,
Балта-балта саҕа
Бытарыйан барда,
Күөс-күөс курдук
Көөһөнөн түстэ,
Тоорохой-тоорохой
3350 Логлорута баран
Тооронон истэ,
Халыҥ куйаҕа чарааһаата
Хаппар куҥа
Харааран көһүннэ,
Элиэр этэ
Илдьирийэн истэ,
Кыһыл этэ
Кырбастанан барда,
Кыа хаана
3360 Сүлүһүн үрэх буолан
Сүүрүгүрэн түстэ,
Хатан уҥуоҕа килбэйдэ,
Үүдэһин бөҕө өһүлүннэ,
Сындааһын бөҕө сыыйылынна.
Сыра быһынна,
Сылба эһиннэ,
Ытырбытын ыытга,
Халты харбаата,
Төлө тутан
3370 Лүһүгүрүү турда.
Солоҥдо тураҕас
Ат барахсан
Абааһыта арахсан,
Сүгэһэрэ түһэн,
Тутулуга ыытан,
Сулумах босхо баран,
Сындыыс курдук сыыйылынна,
Оноҕос курдук субуруйда,
Айаннаабытын курдук
3380 Ахсымнык айаннаан,
- 83 -