Page 87 - Неизвестное название

Дьабыдытан-дьалкытан,
Түһэн киирэн барда.
Били баран истэҕинэ
Кэлин өртүттэн
Сүллээх этиҥ курдук
Тыас тыаһа куһугуруу түстэ.
Тустуулаах Дьуруо Бөҕө
Били баҕайы
Эккирэтэн истэҕэ дуу диэн,
3390 Кэннин хайыһан
Кырыы хараҕынан
Кынчас гынан көрбүтэ —
Абааһы уола Таас Чугуунай
Атын кутуругуттан
Хады харбаабыт,
Куду тутуспут,
Тардыһан лаһыгыраабыт,
Соһуллан лүһүгүрээбит.
Солоҥдо тураҕас ат барахсан
3400 Сиргэнэн тэбиэһирдэ,
Уһуутаан уйуһуйда,
Дэриэспэ тааһы
Дэлбиритэ тэбэн,
Таһаҕас оҥостубат курдук
Тэбиэһирэн барда,
Суорба тааһы
Тоҕута тэбэн,
Туман курдук субуруйан,
Күрэ тааһы көҥүтэ тэбэн,
3410 Кутаа уотунан уһуурдан,
Буруус тааһы
Буор курдук бурайан,
Буут быстарынан,
Муҥутуур түргэнинэн
Буурҕа-силлиэ курдук
Бурҕачыйан истэ.
Абааһы уола
Сиргэ охсулуннаҕына,
Сир титиристээтэ,
3420 Буорга охсулуннаҕына,
Буор бурҕайда,
Тааска охсулуннаҕына,
Таас хайа
-84-