Page 88 - Неизвестное название

Лаһыгырыы сааллан
Сата курдук сатараата,
Кэлин өртүлэриттэн
Күкүр хайалар
Көҥүтэ баран,
Күһүгүрүү сууллан,
3430 Күдэн оргуйан истэ.
Ол курдук
Абааһы уола
Онно-манна охсуллан,
Тиэрэ-маары дэйбиирдэнэн,
Сүүллээх этиҥ курдук
Лүһүгүрээн истэ.
Оннук үлүгэрдээх
Уохтаах-күүстээх,
Омуннаах-төлөннөөх
3440 Ахсым айаны айаннаан иһэн,
Иннин диэки
Көрөн кэбистэ —
Иэһийэн-куоһуйан барбыт
Иччитэх добун дойду
Инньитэх түгэҕин диэки
Туох эрэ баҕайы
Түөн курдук
Чөчөйон көһүннэ.
Көрдөҕүн аайы көкөрүйэргэ дылы гынар,
3450 Түү мээчик саҕа
Төкүнүйэр быһыылаах.
Бардаҕын аайы
Бадаардаах сыгынах саҕа
Багдайан истэ.
Көрдөҕүн аайы
Суол тоҕойугар
Көмнөхтөөх үөт саҕа
Кеҕус көппөрүс гынан
Көстөр буолла,
3460 Аартык-аартык
Араскаатын аайы
Салаалаах бэс саҕа
Сарын дагдарыс гынар буолла.
Чугаһаан кэлбитэ —
Көмнөхтөөх харыйа саҕа
Абааһы уола
- 85