Page 89 - Неизвестное название

Иннигэр киирэн,
Сүүрэн дагдайан
Аххан эрэр эбит.
3470 — Одо Ньургустайы
Уоран-талаан барбыт
Омуннаах түөкүн,
Улахан ороспуонньук
Түркүннээх абааһыны
Тимир Сигиди бухатыыры
Ситэр күнүм
Тиийэн кэлбит эбит.
Баран иһэр баранаагы,
Куотан иһэр кубулҕаты
3480 Харытыттан харбаан,
Тоҥолодуттан тутан,
Тылын ыйытан,
Ээдин этитэн,
Иэспин ситиһиэм,
Сүтүкпүн төлөтөрүм буолуо,
Сутурук дьолуота билиэ,— дии санаата.
Кырыктаах биилээх
Кылыс батыйатын
Өрө туппутунан
3490 Өрүкүтэн тибилиттэ,
Ситэн тиийэн кэллэ.
Абааһы уола
Эргиллэ КӨТТӨ,
Суолу бүөлүү
Суодас гынна,
Аартыгы мэһэйдии
Агдас гынна,
Амаан-дьамаан
Айадын агга,
3500 Адаа-быдаа
Тииһин ардьатта,
Аҕыыр-бадыыр
Тыҥыраҕын сарбатта.
Ыылаах ыар сыт
Ыһылла биэрдэ,
Дьаардаах сыт
Тарданан тадыста,
Куордаах холоҥсолоох сыт
Кутулла түстэ.
-86-