Page 224 - Сергей Васильев. Өлбөт өрөгөй

Кэккэ дьиэлэр өссө элбиэхтэрэ;
Хомурах хаар эрэ
Хонон-тохтоон ааспыт
Хонуу үрдүн кырдалларыгар
Хороҕор уһун турбалардаах
Куораттар туран сандаарыахтара.
Оччоҕо дуо, доҕоор! —
Оччоҕо бу Дьокуускай куорат
Суураллыбат сураа таас сирэйдээх
Соҕуруу Ытык хайаттан
Кубулуйбат кубаҕай таас эркиннээх
Хоту Ытык хайаҕа диэри усталаныа;
Эриллэр дохсун сүүрүктээх
Элиэнэ эбэ биэрэгиттэн
Долгуйар күөх нуоҕай мутукчалаах
Чочур Мыраан тыатыгар диэри туораланыа!
Кини килэрийэр киининэн
Килиэ-халаа бэйэлээх
Киэҥ уулуссалар
Кэккэлии түһэн барыахтара.
Үҥкүүлээбитинэн тиийэн кэлэр
Үгүс массыыналар онно элбиэхтэрэ,
Ыллаабытынан ааһа турар
Ыстаал массыыналар онно сырсыахтара.
Оччоҕо дуо, доҕоор! —
О44050 бу эйигин босхолообут бухагыыр
Килиэ таас бэйэлээх
Киэҥ куораттар турууларыгар
Ким кыайыы көмүс кирпииччэтин уурбуту
Суоруулаах мыраамар остуолбаҕа
Суруйан ойуулуу туруоҕа.
Сир Ийэ көхсүн
Синньэ күө5үнэн симииргэ
Ким кыайыы күөх сибэккитин үүннэрбити
Килэгир көмүс остуолбаҕа
Киэргэтэн кэрдиистии туруоҕа.
210