Page 153 - Былыр этэ диэххэ

Уоһун устун көрдөххө, нэриэһэ быдан көстөр курдук. Кистэлэҥ
сааҕа ботуруону буларга билсии-көрсүү наада. Күлэ-күлэ: «Биир
тайахха икки да ботуруон сөп оҥороо ини», — диэн эппититтэн
ордук биэрэр былаана суоҕун илэ көрөн, кэрэгэйдэттэрбин да —
барар баҕалаах сөбүлэһэрбэр тиийдим. Биһиги олорор тумуһахпыт
кэтэҕиттэн чугас эбэбит сиэнэ, киһи хаһыыта, дьулурҕа соҕустук
көнөтүк үрэххэ түһэр. Сиэн икки өттүн былдьаабыт хас да хат-
тыгас халыҥ талахтаах. Бу талахха сылын аайы хастыы эмэ тайах
кыстааччы да, атын сиртэн кэлэн турааччы да. Хаһан да иччитэх
турбат киэҥ уоруктаах сир. Биһигиттэн бу да турдар мээнэ бултас-
паппыт. Атын дьон кэлэн бултаан барбыттарын истиһэ олоробут.
Манан сылдьыбатылар ини диэн, уҥуоргу өттүнэн, сылгы да
сылдьыбатах сиринэн солуо хаары сэниэлээх атынан тоҕо кэстэрэн
иһэбин. Атым араас булка сылдьыбыт, сынньаммыт сынньаммыт
курдук сарыйтарыыта суох санаатын хоту хоннохтоохтук хаамар.
Булка хараҕар ыраахтан хатаммат гына талаҕы кырыылыы иһэбит.
Халыҥ хаар дьыбарын ыһыкта илигэ дьикти минньигэс тыынынан
илгийэр, ат көлөһүнэ соччо тахсыбат. Арай ол истэхпитинэ — ин-
нибэр талаҕым хоннохтоон киирбит сыһыы кырыытыгар биир тайах
моонньун уһатыаҕынан уһата-уһата талах муҥур төбөтүн быһыта
тыытан аһыы турар. Аппынан киирдэхпинэ көрүүһү, ыттарыа суох
диэн сатыы киирэргэ быһаарынным. Сатыы тоҥуу хаары оймоон,
иннибэр биэс-алта арыылыы үүммүт талахтарынан күлүктэтэн син
балай да киирдим. Талаҕым бүтэн хаалла. Дөссө киирэр киһи бэрт
буолуох эбит да, хайа да диэки бардарбын көрүүһү. Урут туппатах
саам. Саарбахтаатарбын да мантан эрэ ыттахха сатанар. Өрөлүүр
эҥин диэбэтэҕэ диэн, хонноҕун аннын көрөн баран ытан саай.
Тайаҕым өс киирбэх байааттаҥнаабытынан охтон иһэн өрүһүнэн
олоро түстэ — туран кэллэ. Талах иһигэр түһэн эрдэҕинэ иккис-
тээн ытан хааллым. Манан ботуруонум бүттэҕэ дии. Тайаҕым бара
турда. Төттөрү сүүрүү былаан баадыйалаан аппар кэлээт үрдүгэр
түһэн, тайаҕым кэнниттэн ыстаннардым. Барытын көрөн турбут
атым соруйтарыыта суох тайах кэнниттэн түһүнэн кэбистэ. Ыҥыыр
үрдүгэр сааскы ирэн эрэр талахтан икки илиибинэн далбаатана —
аһаттарарга эрэ олордум. Ол олорон көрдөхпүнэ: тайах хаана балай
эмэ барар эбит. Талахха биһиллибит хаан харса суох кырааскалаата.
Ону ол диэбэккэ, улаханнаппыт булду хайдах бултаһарбын сыы-
майдыы истим. Атым тыырыллыбыт хаарынан кудуххай соҕустук
батыһан иһэр. Ол истэхпитинэ талах сэдэхсийиитэ тайахпыт арыы
151