Page 158 - Былыр этэ диэххэ

толоробун. Маһы-оту кэһэн ырааппатыбыт, чэҥкээйитин та-
лахха сөрөөбүт сиэгэн кырыа бөҕөнү бүрүнэн бу марбайан оло-
рор. Биһиги иһэрбитин билэн мөхсүбүт быһыылаах, саҥа суола
сүрдэммит. Аҕам чугаһаабакка туран оргууй тыҥыраҕыттан ыл-
латтаран ыарыыланан ырааппатах диэтэ. Хайдах эрэ өлөрсүһэн
көрбүт киһи. «Сэрэнээр, чохорооҥҥун бэлэм тутан тур, баҕар,
тыҥыраҕа быстан эйиэхэ кэллэҕинэ охсон көрөөр диэтэ». Аҕам
дубук-дабык туттарыттан көрдөххө, дьэ, кырдьык, сэрэх кыылга
түбэстибит быһыылаах. Мин төһө да тэйиэс турдарбын улахан
булчут тылыттан уйабар уу киирдэ. Аҕам сэрэнэ туттара ордук
дьулатта. Кырдьыга, төлө түһэн куоппатар ханнык диэн ыгылы-
йар эбит. Саамай кэбирэх сирэ мунна диэн муннуга охсо сатыыр.
Өлөн эрэр араастаан эриллэҥнээн сүгүн таптарыа дуо. Биирдэ
чэҥкээйитигэр сөрөнүүтүгэр түбэһиннэрэн дьэ муннуга тапта.
Түүрэ таттаран тэбиэлэнэ сыттаҕына, сиирэ-халты хаста да төх-
түрүйэн охсуолаата. Хамсаабат буолбутун кэннэ биирдэ чэҥкээ-
йини талахтан арааран, төрүөппүт миэстэтигэр кэллибит. Бура-
ныгар тиийэн хапкаан, мэҥиэ аҕалыар диэри мин аан бастаан
бултаабыт булпутун сыныйан көрдүм. Куһаҕан бэйэлээх сыттаах,
аччыы-аччыы сибиниэс курдук, ыара сүрэ. Аҕам төннөн кэлэн
хаттаан хайыҥ тэбэн, чарапчылаан мэҥиэ ууруор диэри син уһаа-
тыбыт. Ол иһин буолуо: «Чэ, доҕор, дьиэлиэххэ, булпутун тоҥо
илигинэ хата сүлүөхпүт, баҕар, аара айаннаан иһэн аны иккис-
тээн тиллэн эрэйдиэ... Онон эн сэрэнэ олор, тиллиэх курдук хам-
саатар эрэ ыһыытаар», — диэн сэрэтэн дьиэлээтибит.
Хапкаан дьааһыгын ойоҕоһугар быраҕыллыбыт тэллэххэ олоро-
бун. Булпутун иннибэр, атаҕым икки ардыгар ууруннум. Бэлиэ биэ-
рэргэ уһун талахтаахпын. Аҕам дьиэтигэр кэлэн, олбуорун аанын
арыйан буранын сыарҕалары баҕастары тэлгэһэҕэ киллэрдэ. Ха-
раас аанын диэки ыт уйатын таһыгар тохтотто. Тэбэнэ сырыттаҕы-
на, мин сыарҕаттан түһэн эмиэ тэбэнэ түһээт булпутун чэҥкээ-
йититэн ылан соһуох курдук гынан эрдэхпинэ, сиэгэммит тиллэн
кэлэн, олоро түстэ. Сүр түргэнник миигиттэн куотан ыт уйаты-
гар дьылыс гынна. Ыт уйата бирээмэ өрө сүгүллүөр диэри биирдэ
тилигирии түстэ. Өр-өтөр буолбата, ыппыт хараҕын тиэрэ көрөн,
мин үрдүбэр түһүөхтүү ыстанан тахсан иһэн сыабыттан иҥнэн
тиэрэ баран түстэ. Мин соһуйан сарылыы-сарылыы кэннибинэн
тэйиэккэлэнним. Ыппыт бары быһылаантан куотардыы айаннаан
156