Page 157 - Былыр этэ диэххэ

Харабыл ыты үөрэтии ньымата

ҕам барахсан кырабытыттан, сааскы кустан саҕалаан,
булт арааһыгар кыһыннары-сайыннары илдьэ сыл-
дьан уһуйбута. Билигин ону-маны ырыҥалыыр саас-
пар кэлэн өйдөөтөххө, олус да күндү кэмим ааспыт эбит дии
саныыбын. Сырыыны-айаны уйар сааспыт инниттэн убайым
биһигини үөрэтээри чугас эргин, кыһын Буранынан сылдьан кы-
рынааска, киискэ төрүөттэнэбит. Булпутун былаан ылан туттара-
быт. Дьиҥ иһэ түүлээҕи туттарыыга буолбатах. Уол оҕону сиргэ
илдьэ сылдьан барыга бары уһуйар сахалыы сиэрдээх эр дьоҥҥо
олохторун тутула. Ол иһин аҕам суох буолтун кэннэ саныыбын:
аҕам бу орто дойдуга кылгас үйэтигэр биһиэхэ сырдык-ыраас өй-
дөбүлү хаалларар гына үчүгэйдик да олорон ааспыт эбит...
Биирдэ үлэтиттэн арыый эрдэ бүтэн кэлээт:
— Хайа, Ваня, төрүөппүтүгэр барабыт дуо? Сотору хаардыах
курдук. Онон «улахан булчуттар» суолбутун саптар гына баран
көрүөххэ, — диэн түргэн үлүгэрдик хомунан оҥоһуннубут.
Иккиэн сиргэ эрэ кэтэр анал таҥаспытын таҥна охсоот кап-
кааннарбытын, мэҥиэбитин чуумҥа хааланан, итии гаражтан
бурааммытын собуоттанаат сыр гынныбыт. Киһи ахсын бары-
тыгар бурааннаах. Биһиги төрүөттэнэр сирбитигэр ким да төрүөт
уурбат. Ол өбүгэ саҕаттан хаалбыт булт суруллубатах сокуона.
Бастакы төрүөппүтүгэр сырылатан кэлээт аҕам эттэ:
— Чэ эрэ, тоойуом, сүүрүүнэн көрө түһэн кэл, төрүөтүҥ төһө
бэркэ сытар, үчүгэйдик сытар буоллаҕына тыытаайаҕын.
Тиийбитим, төрүөппүт сабыыта, хайыҥа барыта ыһыллыбыт.
Хапкааммыт чэҥкээйилэри баҕастары суох. Эбиитигэр суолу-
ииһи кыраһа саппыт.
— Аҕаа... төрүөппүт суох ээ, — диэн ыһыытаатым.
— Ээс, доҕор, ханна барыай, — диэтэр да аҕам сэрэйбит, ула-
хан булт илдьэ бардаҕа диэн.
Онтон өйдөөбүт, куруук сааланар бэйэтэ, саатын таһы быһа
умнан кэбиспит. Хайыай, төрүөккэ илдьэ сылдьар чохороо-
нун тутан кэллэ. Кэлэн суолу-ииһи хайсыһан көрдө. Улахан
чэҥкээйи саҕа ураҕас быһынна, миэхэ чохороону туттарда.
Суоллаатыбыт, суоллаан диэн, мин батыһааччы эрэ оруолун
155