Page 154 - Былыр этэ диэххэ

сыһыы хаҥас өттүн тутан төттөрү олорордуу, уҥуор сиэн диэки
түһэрдии ыстаммытыгар, аппын тайаҕы иннин быһа ылардыы
киксэрдим. Атым сылгы иннин ыла үөрэхтээх. Түһүнэн кэбистэ.
Хаһан да үүрүүнү көрбөтөх, киһиттэн эрэ тэскилээтэрбин диэн
иһэр булт ханнын сааҕа халкычыҥныыр тыаһын кытта көхсүн
тыаһа күрдүргүүрэ лаппа иһиллэр гына ыбылы астаран кэллибит.
Мөлтөөбүт тайаҕы иннин ылан, сиэни өрө барар хаһааҥҥы эрэ
вездеход тоҕо кэһэн ааспыта оһон эрэр суолун туттаран, талаҕынан
хараалбыт диэки түһэрэрдии салайдыбыт. Тайахпыт өс киирбэх та-
лаҕы ортотунан тутан санаа хоту барда. Эмиэ тыырыллыбыт суолга
олордубут. Талах бараныыта Сымыыттыыр звенотун ходуһата кэ-
лэр. Сүүрбэччэ от кэлэр ходуһатын ортотунан түһэрдэххэ, уҥуор
биһиги олорор хараалбыт тумуһах тыата көстүөхтээх. Тумуһаҕы
эргийэ эрэ түстэргин хараалга кэтиллэ түһэҕин. Тумуһах тыаты-
гар түһэрээт дьоммор сүүрдэн тиийэн ботуруон ылар киһи, бачча
мөлтөөбүт булду баҕас бултаа ини диэн былааннана истим.
Талах сэдэхсийиитэ аппын киксэрэн, тайахпытыгар эмиэ ыга
астаран кэллибит. Сыһыыга күн уота быһа сиэн самнан эрэр
хаарга сылгы хаспыта харанньыттаан эрэрэ. Онон икки илин
былдьаһааччы соччото суох балаһыанньаҕа түбэстибит. Атым
хаһылыктаах сиргэ сылгы иннин ыла үөрэхтээх эрэ буолан бүтүн
хаарын батыһан куобахтыы ойуолуур. Тайах кэчэкэҕэ түбэһэн өссө
бытаарда. Ходуһаҕа киллэрэн өйдөннөрөр бокуойа суох ойоҕолуу
түһэн тумуһаҕы көрдөрбүтүнэн атаралаттыбыт. Үүрүүнү көрбөтөх
булт хараҕа бирээмэ чэчэгэйигэр тиийэ улаатан, олоччу туттан бу
тамайан иһэр. Тыраахтар суолун тоҕо түһэрэн тыаҕа салайаат, суо-
лунан хараалбытыгар ыстан. Сэрэйбит курдук хараал чугаһыгар
биэлэрэ быһыллыбыт атыыр үөрдэрэ халлаан сылыйан хотоҕостуу
субуллубут. Хараал кырыытыгар кэлэн көрдөххө, туора киһи кэл-
бит. Аппыттан түһэн өҥөнөн көрүммүтүм, бириһиэн тас ыстааным
кыа хаан, атым түөһэ, ойоҕоһо эмиэ. Ыстааммын устан, аппын
хараал тумсугар баайаат тугу да билбэтэх киһи курдук туттан дьом-
мор бардым. Бөһүөлэктэн Боһунньукуоп Дьөгүөр кэлбит. Миигин
көрөн үөрдэ. Суолтатыгар соноҕоһун төһө айааһыы сылдьарбын
ыйытаат барда. Мээнэҕэ тиэстибэт кырдьаҕас, туох эрэ соруктаах
кэлбитин мин да дьонум быктарбатылар. Дьоммор туох буолтун
кэпсээтим. Пана идэтинэн холчурдаммытынан барда: «Оччо аҕа-
лан баран тоҕо манна аҕалбатыҥ, хараал аанын сылгы киллэрээри
арыйбыппыт ээ», — диэн эбиилээх. Мин ботуруон көрдөөбүппүн:
152