Page 156 - Былыр этэ диэххэ

тэҥэ хараалбытыгар сылдьар тойон-хотун муннулара бүтэй дьон
курдук сэрэйдэллэр да билбэтэх-көрбөтөх курдук биир да киһи
тыл кыбытааччыта суох. Хата биирдэ эмэ кэлии тойону аҕалаары
гыннахтарына эрдэттэн сэрэтэн кэлээччилэр.
Күһүн сылгы хараалын иннинэ Арыылаах звено сылгыһы-
та Буусукап Бааса сылгы көрө Буранынан Оттоох Атаҕы эргийбит.
Наҥнаһыҥҥа үөһүнэн түһэн Киллэм диэки тэптэрэн эрдэҕинэ
Адаҕалаах тахсыытынан кыылаттар киирбиттэр. Биир туман оргуйар
тыыннарыттан элбэхтэрэ биллибит. Бааса саатын дьону көрсүөм диэн
сэрэхэдийэн иччитэх сыарҕаҕа чуумҥа уган иһэр эбит. Кыһыытыгар
саатар илин былдьаһыннаран төһө чугаһатыахтарын боруобаланар.
Санаа хоту Наҥнаһыннар хараалларын көрдөрбүтүнэн түһэрэр. Сэ-
рэйбитин курдук хараал аана аһаҕас эбит. Өрө тахсан бары куом-
наккалар ааннара бары аһаҕастарынан элэҥнэспиттэр. Онон-манан
түһэн саас өргө диэри сылгыны тутар кэтэх улахан далга киирбиттэр.
Тыа өттө сылбаҕынан эрэ бүтэйбит хараалы тоҕо түһэн, нөҥүө тахсан
тыыннара эрэ олорон хаалбыт. Бытаарыыларыгар сыарҕатыттан саа-
тын оронон, тэҥҥэ эккирэтэн тахсыбыт. Киһитэ кини, туттуу бэрдэ,
сылбаҕы ойууларыгар биир байтаһыны охторбут. Хас эмэ сылга дьап-
таллыбыт сылбах быыһыттан булдун тоҕус эрэйинэн орообут.
Кэлин Мааскыҥҥа Чыыстай Атаҕар сааскы төрүөх хараалын
оҥостубуттара. Күһүн сылгы хаайыытын арыый иннинэ эдэр
соноҕостортон ат туттаары сулумах сылгылары үүрэн аҕалбыт.
Тоҕо эрэ бастайаанна аһаҕас турар сылгы быһар хосторо сабыл-
лан турар. Мааттаат бураныттан ойон түспүтэ, биир тайах үрдүк
күрүөнү үрдүнэн олос гына түспүт. Бааса сүгэ сылдьар саатын
харбаан ылыан икки ардыгар күрүөнү үрдүнэн күөрэйбит. Тут-
туу түргэнэ, ойон эрэр тайаҕы түҥнэри ыппыт. Тайаҕа алта сүл-
лүгэһи бүттүү тоһутан өлөн түспүт. Үүрүллэн кэлбит сылгылар
саа тыаһыттан соһуйан, тайах сытыттан сиргэнэн хаһыҥыраһа
түһээт, төттөрү ыстанан куотан хаалтар. Сылгы хаайыыта ыкса-
тан, сыалай биригээдэ аҕалан хараалларын эрэмиэннээбиттэр.
Күһүн хараал туругун көрө сылдьан убайа Бүөтүр, өргө диэри
күөх турар бэрдьигэһи ымсыырсан, охсон ылан бугуллаабытын тайах
булбут эбит. Дьон бэрдэ мин курдук буолуохтара дуо, булду хараалга
хаайаллара баар суол. Мин биирдэ тиксибит түгэни сатаан туһам-
маккабын харааллаабатах айыыбын, ааҕааччыларым, саатар эһиги
итэҕэйэн бүтэһигэр диэри ааҕыаххыт диэн эрэниэҕи баҕарыллар.
154