Page 159 - Былыр этэ диэххэ
P. 159
кэлбит Буран сыарҕатын аннын былдьаста. Аҕам сиэгэн ыстанна
дии санаан, хаһыырбытынан ыстанан кэлэн сыарҕа аннын өҥөйөн
көрөөт — мунаахсыйда. Мин өлө куттаммыт киһи, ыт уйатын ыйа-
ыйа, сиэгэн диэбиппэр аҕам дьэ өйдөөтө. Түргэн үлүгэрдик хаар
күрдьэр күрдьэҕи аҕалан ыт уйатын бүөлүү аста. Ол кэннэ хараас
ойоҕоһугар турар андаатарга илдьэ сылдьар анньыыбытын тутан
кэлэн туорайдыы олуйан: «Кытаат, бу курдук күүскэ тутан тур, саа
эрэ аҕаллахха сатаныыһы», — диэт дьиэҕэ ыстанна.
Ол курдук биирдэ сиэгэни дьиэбитигэр аҕалан бултаан тура-
быт. Хата онно ыппыт улаханнык куттаммыт этэ. Хас да хонукка
уйатыгар киирбэккэ, таһырдьа сыппыта. Олбуор харабыла диэн
ииттэрбит да үрүгэһэ суох бэйэтэ туора дьону онтон ыла үрэр
идэлэнэн соһуппута, уһун үйэлэммитэ. Билигин кырыйдар да
эбээһинэһин суолтатыгар толорбутунан сытар. Уйатын иһиттэн
сүрэҕэлдьээбиттии мух-мух диэт бүтэр. Бастаан сиэгэнтэн кут-
таннаҕын утаа тыаһы-ууһу барытын үрэр этэ. Онон үрүгэһэ суох
ыккытын биллэр гына соһуттаххытына биһиги ыппыт кэбин кэ-
тэн уһун үйэлиэххитин сөп эбит.
Сиэгэн — ааттыын Бөҕө, иккилээх хапкааны хайа баҕарар ал-
дьатар бэйэтэ, эмсэ сириттэн ыллаттаран сүрэҕэ суох ыты үөрэ-
тээри анаан, Байанайга сэлээннэнэн биһиэхэ түбэһэн турар.
Абый оройуона, Кэбэргэнэ.
Атласов Иван Иванович кэпсээбитэ
157
