Page 162 - Былыр этэ диэххэ
P. 162
тар, кыыс кэрэ сэбэрэтин ыһыкта илик дьахтар бэрдэ эбитэ үһү.
Ону баара, оннооҕор бэрди булбут эрэ ыыстыыра кыһыыта. Абый
былыргы дьахталлара кыһынын уокка оттор мастарын тыаттан
бэйэлэрэ кэрдэн киллэрэн кыстыыллара биллэр. Чугастааҕы мас
бараннаҕына эр киһи балыктаах, мастаах таба аһылыктаах саҥа
кыстыгы булан оҥостор. Ол иһин биир ыал олоҕун биэстии-ал-
талыы сиргэ көрүөххэ сөп.Ол кэмнэр минньигэс сырыыларыттан
Холлой биир күндү көссүүтүгэр анаабыт ырыата маннык:
Күндүтүйэн көһүннэ
Көстөөх сиртэн көҕөрөр
Күлүмүрдэс күөх уулаах,
Көбөн оонньуур балыктаах,
Көөнньөн хойдор көтөрдөөх,
Көрсүһэлии таалалаах,
Көйөн барар сиэннэрдээх,
Көстөн ордук туоралаах.
Күннүк түнэ усталаах
Күрүүҥкэлиир күөллэрим.
Күрбэ таала анныгар
Көһүтээхтиир доҕорбор
Көнтөстөтөр тэһиинин
Көмүс ыҥыыр көхөҕө
Көҥүл-босхо туттарбат
Көтүүк хаҥыл атынан
Күрүлгэнниир бырдахха,
Күдүпчүлүүр куйааска
Күнү быһа айаннаан
Күннүктэрим тахсыыта
Көтүтээхтээн тиийбиппэр,
Күрүөлэрин маһынан
Күлүк сири тутаахтаан
Күөхтүйэлиир отунан
Көмөн-сабан кээспитин
Күдүпчүгэ быраҕан,
Күдэн буруо оҥорон
Күөхтэй бороҥ аттарым
Көмүстэтэй ыҥыырын
160
