Page 163 - Былыр этэ диэххэ

Көтөҕөөхтөөн ылаахтаан
Күлүк сиргэ уурбуппар,
Күнүн сирин көлөтүн
Көлөһүнүн түһэрэн
Күргүөм үлэ саҕана
«Күрээбити» ситээри
Көбүөхтэттэҕиҥ сүрүн.
Күтүр айыы оҕотун
Көлөһүнүн хатар диэн,
Күөллээнигин уутуттан
Көҥү баһан таһааран,
Күлүү-элэк оҥосто,
Күлэ-үөрэ мичийэн
Күлбэй-салбай көрбүккүн
Көрө-таала турбуппар,
Көхсүбүттэн быалардаах
Күүстээх эдэр сүрэҕим
Күдүпчүлээх уот курдук
Күлүбүрүү умайа
Көтүтэлии мөҕүстэ...
Маннык бэйэкээннээх уйан сүрэхтээх киһи биир үлэҕэ,
биир дьиэҕэ таба олорбокко, дьонтон бэлэми аһаан-сиэн олорор
дьон курдук санаан ойуумсуйан айаҕын булунарга быһаарынар.
Ойууттары батыһа, кутуруксуттуу сылдьан тылын-өһүн сүһэн
ылан, бэйэ дьонугар ойуумсуйар идэлэммит. Биирдэ ыалга Сэ-
мэнньэ ойуун ыарыһахха кыырбытыгар түбэһэ түһэр. Ойуунна-
аһын бүппүтүн кэннэ, оргууй сэмээр кэлэн көрдөһөр. «Ойуун
буолан эрэбин, дүҥүргэр олордоҥҥун үөһээ дайдыларга үөрэтэ
илдьэ сылдьыаҥ этэ дуо?.. Эттэнэр кэмим кэлбит курдук санана-
бын», — диэбит. Сэмэнньэ:
— Чэ сөп, таҥаспын ыытыам, онтон атынын ол дьон бэйэлэрэ
дьаһайыахтара, — диэн куотунардыы хардарбыт. Үлэх быһыы-
тынан биир ыйынан аара, сир ортото Буур Хаайбыт ыалыгар
таҥаһын тиксэрэргэ болдьоспуттар.
Сэмэнньэ Буур Хаайбыт ыалыгар чэйдии олорон: «Холлой
кэллэҕинэ бу эрэбэдэйдээх таҥаһы, дүҥүрү ылыаҕа, онон кэлиэр
диэри таһырдьа күүлэҕэ ыйаан хаалларыам. Киирэ-тахса сырыт-
161