Page 164 - Былыр этэ диэххэ

таххытына тыаһаатаҕына куттанаайаҕыт, бэйэтэ да киһини куттуу
сорунуо суоҕа», — диэбит.
Оччолооҕу истэн, барбытын кэннэ киирдэххэ-таҕыстахха чуо-
раанчыктар чылыргыылларын истээри оҕолор кулгаахтара тоҥо-
ро кэлбит. Кырдьык киһини куттаабатыттан эрдийэн, оҕолор
саатыыр оонньуур оҥосто сырыттахтарына биир үтүө күн Холлой
кэлбит: «Сэмэнньэ ойуун үөрдэриттэн миэхэ салайаары таҥаһын
хаалларбыта, онон аны бу таҥас миэхэ тиксэр», — диэн ылан
барбыт. Холлой барбыта үс хас хоммутун кэнниттэн Майыартан
Сэмэнньэ аны бэйэтэ тиийэн кэлбит. Дьиэлээхтэр хоноһолорун
чэйдэтэ олорон саха сиэринэн ханналаан иһэрин сураспыттар.
Балаҕаннаахха Холлой мин таҥаһым ыарын уйбакка өлөн эрэрин
өрүһүйэ баран эрэбин диэбит.
Балаҕаннаахха табаарынай пиэрмэ кыстаан олорор. Дьукаахтар
биэс ыал биир дьиэҕэ саха тэҥэ суох олороллор. Холлой ойоҕо Маа-
рыйа хоноһотун чэйдэтэ олорон ытамнньыйбыт: «Оҕонньорум Буур
Хаайбыттан эн таҥаскын илдьэ кэлэн иһэн ыалдьыбытынан ити
өйө-төйө суох сытар»... Сэмэнньэ чэйдээн бүтэн оҕолору — Дуу-
дук Өндүрэйдээҕи соруйбут. Оччолорго оҕолор буоллахтара дии.
Уолаттар тахсан Холлой табатын сыарҕатыттан Сэмэнньэ таҥаһа,
дүҥүрэ угуллубут эрэбэдэйин тутан киирбиттэр. Ойууннара дүҥүрү
көмүлүөк оһох сыралыгар эргитэн биэрэ, хатара биир хамсалаах
табах быстыҥа сөҥөдүйэ олорбут. Таҥаһын таҥныбытын кэннэ
көрдөххө, турукка киирбитэ атын сирэйдэнэн-харахтанан дьиэлээх-
тэри соһуппут. Ол кэннэ оргууй наллаан кутуран барбыт:
Таһаалаах таҥаспар тардыспыттарым,
Оноолоох таҥаспар олорсубуттарым,
Баатыры батыһыннарбыттарым,
Дохсуну туттарбыттарым,
Элиги эллиэбиттэрим.
Уһук дойдуга охсус диэн,
Киэҥ дайдыга кэпсэт диэн
Кэтэхпиттэн кэнэйбиттэрим...
Биэстээхпиттэн билсибиттэрим,
Уоннаахпыттан уруурҕаспыттарым,
Эмэгэттэй иэдэстэрбин эллиэбиттэрим,
Толбонноох ньуурдарбар тутуспуттарым,
162