Page 167 - Былыр этэ диэххэ
P. 167
Тоҕус көс усталаах,
Толбонноох иэннээх,
Тохсунньу ый туола тотон
Турарын курдук
Дьулайын ортотугар чуо чолбон
Соҕотох харахтаах
Дьуоҕам сордоҥо
Турбут сиргиттэн
Чугуҥнуур буолаайаҕын,
Хатаммыт сиргиттэн
Хамсыыр буолаайаҕын,
Иҥнибит сиргиттэн
Иэҕэҥниир буолаайаҕын...
Үрүҥ кубаҕай хааннаах
Үс кыра оҕолоох
Үүт хатыҥ дьахтар
Үрүҥ күнүн сырдыгын
Үөл-дүөл өйдөөн,
Өлөн-өһөн бараары гыммытыгар,
Өстөөхтөрбүн кытары өһүөннэһэн
Үөһээ дайдыттан
Үс омурт-омурт быһаҕаһа
Өлбөт мэҥэ уутун үллэстэммин
Өлүгүрбүтүн өйүөрү,
Сытыйбытын сырдатаары,
Уххадыйбытын уоскутаары
Киэҥҥэ киирэн кэпсэтэрбэр,
Улахаҥҥа киирэн туонарбар
Арҕааҕынан аанныыр,
Кэннигинэн кэлбэлдьийэр
Тоноҕоскунан туорайдыыр буолаайаҕын.
Тоҕус маҕана тулааһыннаах
Тохтубат дуомнаах,
Сиҥнибэт силистээх,
Охтубат оҥоһуулаах
Туой хаан тусаһабын
Тууспаннаах кутаатын
Тобулу көрөн олорон туоннахпына...
165
