Page 165 - Былыр этэ диэххэ

Ымынахтаах сирбэр ылсыбыттарым...
Тохтоон хааллахпына туруору туппуттарым,
Охтон бардахпына олордо тардыбыттарым,
Умса түстэхпинэ уһук өттүбэр
Ойоҕолообуттарым,
Ыллаабыт ырыам ынырыгын
Ыйга тиийэ ыйаабыттарым,
Туойбут тойугум дорҕоотторун
Чолбоҥҥо тиийэ туттарбыттарым.
Үөһээ дайдыттан үөрэппиттэрим,
Орто дайдыттан уһуйбуттарым,
Истэр буоллаххытына эллэрэстээҥ,
Көрөр буоллаххытына күллэрэстээҥ,
Билэр буоллаххытына бэтигирээҥ...
Ити курдук айах аһар кутуруутун саҕаланыытын оччотооҕу
оҕолор өйдөөбүттэрэ эрэ ити.
Холлойу илиилэригэр баһан аҕалан кураанах тапчаан ороҥҥо
дьиэ ортотугар сытыаралларыгар ойууннара дьаһайбыт. Ойуун-
нара хаһыс эрэ олукка ыттыыта өйө суох, былаат курдук сытар
киһилэрэ ойон туран кэнниттэн тэбис-тэҥҥэ хамнанан барбыт.
Ойуун орто дойдуга үктэнэн алгыһын этиитигэр, Холлойдорун
иһэ сараччы үллэн тахсыбыт. Ол эрэ иннинэ тэҥҥэ эккирэһэ
сылдьыбыт киһи кыайан уйуттубакка тапчаан ороҥҥо сууллан
түспүт. Иһин харбана-харбана, төрүүр дьахтар талыыланарын
курдук часкыйбахтаабыт. Ол кэннэ иһэ тэһэ ыстанан хапсыйыы-
та, кыһыл оҕо бэбээрбит. Үс хонукка өйө суох сыппыт Холлойдо-
ро харахтыын сырдаан, аматыйбыт көрүҥнэммит. Ол да гыннар
ситэ көммөккө, бэттэхтээбэккэ атын дайдыга сылдьара таайан,
мааҕы айахтааҕы атыппат бэйэтэ акаары киһи курдук алаарыччы
көрөн аллайан олорбут. Ама киһи сык гына көрөр кубаҕай көрүҥэ
дьонун дьиксиннэрбит. Хата оҕолор ойуун тылын сыыска түһэр-
бэккэ чуумпуран олорон истибиттэр. Ойууннара орто дойдутугар
эргиллэн олорон маннык диэн тылласпыт: «Үс саханы үөскэтэр,
түөрт саханы төрүттүүр, төрүүр оҕо күн сирин көрөрүгэр, ал-
гыстаан ыраастыыр, айыыһыты араҥаччылыыр абыраллаах, хат
дьахтары хараамныыр, бургунас дьахтары бостууктуур, кыһыл оҕо
киинин баайар, инчэҕэй оҕону илиитигэр түһэрэр чэпчэки илии-
163