Page 168 - Былыр этэ диэххэ

Чулкулаах атахтаах
Торумтубут тумустаах,
Туһахталаах сүүстээх
Туос элэмэс сылгы
Дорҕоонноох туйаҕа буолан суурадыйбыттар,
Албаннаах атахтаах
Ала элэмэс сылгы
Ахсым атаҕа буолан адаҕыйбыттар
Аҕыс аартыгы алҕанар,
Тоҕус аартыгы туонар,
Сэттэ тэлиини чинчинэр
Күдьүмэрдээх күҥҥэ күһэлинним.
Соҕурууҥҥу тойон орто маҕанабынан
Суолун тутан тиийэммин
Дорҕоонноох суолбар турдахпына,
Үөскээбит үһүс орто дойдум
Үстээх харчы саҕа
Үмүк-сүмүк өлбөөдүйэр,
Айыллыбыт аан ийэ дайдым
Алталаах харчы саҕа
Алаарыйа хаалар
Дуомнаммыт орто дойдум
Солкуобайдаах манньыат саҕа
Туналыйа өркөнүйэн хаалар
Улаҕалаах сирбиттэн охсулламмын,
Таһаалаах сирбиттэн тахсаммын,
Иилээх сирбиттэн эрэҥсийэммин
Үөрэтэн ыыппыт үөһээ дойдубар
Үс буут ыардаах
Үрүҥ көмүс үүммүн
Өһүлүнэр күнүм буолла.
Алта буут ыардаах
Алтан тимир амаҕаччыбын
Айыллыбыт сирбэр
Аһынар күнүм буолла,
Тоҕус буут ыардаах
Чугуун тимир суларбын
Дуомнаммыт сирбэр
166