Page 170 - Былыр этэ диэххэ

Куордаах салгын тыыннааҕы
Куоттарыма диэҥҥин
Кулуһун хаан курдугунан
Курбуулаан кулу...
Айыым аймахтарыгар айанныыр,
Күнүм урдустарыгар күрэнэр,
Орто дойдубар утаарыллар
Күнүм кэллэ,
Тулхардаабат тулааһыным,
Уйарҕаабат отуум,
Айархаабат алаһа далаһам
Дьиэ бараан тиэргэним
Эрэҥсийбэт эркинэ,
Кэлбэлдьийбэт кэргэттэрэ
Күн күбэй хатыҥ дьахтар
Күн тыыҥҥын көмүскүүргэ,
Көтөр курдук сүүрэргэ
Күүстээх табыталлааҕы
Көтөрүм бииһин ууһуттан
Көтөҕүүлээх кэллим,
Халыҥ-халыҥ аймахтарбар
Хабарҕам анныгар
Хаһаастаах кэллим.
Көпсөдүйбүккүн көбүтэргэ
Көтөр кынаттааҕы көрдүөн кэллим.
Уйарҕаабыккын уҕарытарга
Уу кынаттааҕы уоран кэллим.
Дьарҕарбыккын тарҕатарга
Табытал кынаттааҕы талаан кэллим.
От төбөтүнэн охсубут саҕа
Оһоллоох ойоҕоскун уйунан,
Талах төбөтүнэн таарыйбыт саҕа
Дьарҕалаах өттүгүн таһаарынаҥҥын,
Тиллэргэ сэргэдийэҥҥин,
Кэлэргэ кэскиллэнэҥҥин,
Оһорго уһуктаҥҥын
Тиэргэҥҥэр тэйиэккэлээ,
Тусаһаҕар дьоруолаа,
Алааскар атаралаа.
168