Page 108 - Агабыт туьунан иьирэх тылынан

дьүк (оседлай) олоҕу көрдөрөллөр. Омоҕойго ити барыта суох,
онон көс олохтоох. Кини саха диэн, онон саха көс олохтоох. Эл-
лэй дьүк олохтоох, татаар, ол аата монгол. Монголлууттан саха-
лыы саҥарар буолбут. Эллэй бастааҥҥыта сахалыы саҥарбат
атын тыллаах киһи эбит. Кэнники сахалыы саҥарар буолбут.
Кини оҥорбут тэриллэрэ ыччаттарын оҥоһуулара, дьиҥинэн.
Былыр ынах сүөһү аҕыйаҕын саҕана сылдьар ыалдьыкка
сахалар наар кымыс иһэрдэллэрэ үһү. Кымыһы кыһыннары
иһэллэрэ үһү. Кэнники ынах сүөһү элбээбитин кэннэ киирбит
ыалдьыкка ынах үүтүн кыынньаран иһэрдэллэрэ үһү. Ону
итиитэ киллэр, итиилиибит дииллэрэ үһү. Адьас былыр ынах
аҕыйаҕа, сылгы элбэҕэ эбитэ үһү.
Омоҕой баай икки сиринэн кэлбитин туһунан кэпсэнэр: Бү-
лүүнэн, Ленанан. Ити сахалар соҕурууттан иккитэ кэлбиттэрин
туоһулуур. Аны Омоҕой биир кэлиитигэр сүөһүтэ суох кэлбитин
туһунан этиллэр. Иккис атын кэпсээҥҥэ сүөһүлээх кэлбитин
туһунан этиллэр. Ити эмиэ сахалар иккитэ түһүмэхтээн кэлит-
тэрин көрдөрөр. Онон сахалар икки төгүллээн кэлбит дьон буо-
лаллар. Бастакы кэлиилэригэр сүөһүтэ суох, ыттаах кэлбиттэр.
Ол туһунан Омоҕой ыттаммытын туһунан кэпсээн буолар. Ик-
кискэ сүөһүлэммитин туһунан кэпсэнэр. Тоҥустар кэпсээннэрэ
итини эмиэ бигэргэтэр: бастакы кэлии сахалары кытта эйэлээх-
тик, иккис кэлии сахалары кытта ииссэ, кыргыһа олороллорун
туһунан кэпсииллэр. Сахаларга үһүс кэлии киһи Эллэй буолар.
Кини туга да суох (сүөһүтэ-аһа), аҕыйах дьонноох. Төрдүс кэлии
киһи ынах сүөһүлээх, сүөһүтүн дьүһүнэ наар хара, Улуу Хоро
буолар. Кини эмиэ дьонноох. Ити эрээри Эллэй сахалар иккис
кэлиилэригэр кэлбит киһи буолар. Онон кини сахалар иккис
кэлиилэригэр киирсэр. Итинтэн сыаналаатахха, Улуу Хоро үһүс
кэлии киһи буолар. Онон сахалар сүнньүнэн соҕурууттан үс тө-
гүллээн кэлбит дьон буолаллар.

106