Page 89 - Агабыт туьунан иьирэх тылынан

Бу дойду алларата эмиэ атынынан биллэр: бадыа-бүдүө
күннээх, буспатах мунду миинин курдук барбатах балык
миинин курдук диэн.

Ыйылас туһунан

Былыыр-былыр Дыгын аата-суола биллиэн иннинэ, Ам-
маҕа Ыйылас диэн саха дьахтара олорбута үһү. Эбэтэр кини
хантан эрэ кэлэн олохсуйбут үһү дуу. Чуолкайа биллибэт. Ол
дьахтар кэнники Ийэ ууһа буолта үһү. Бу ийэ ууһуттан икки аҕа
ууһа бөрө бөтүҥнэр уонна наахаралар үөскээбиттэрэ үһү.
Бөрө бөтүҥнэр диэн ааттаныылара, ол дьон тугу барытын:
үөнү-көйүүрү, оту-маһы, кыылы-сүөлү, туох түбэспитин бары-
тын сиргэммэккэ сии сылдьар идэлээх дьон эбиттэрэ үһү. Ол
иһин бөрө бөтүҥнэр диэн ааттаммыттар.
Наахаралар диэн, най барбыт дьон буолаллар, ол аата
киһи сиэрин таһынан куһаҕан быһыылаах, тугу баҕарар оҥо-
рор, өлөрөр-өһөрөр, уорар эҥин, иирсэр-үөхсэр, быдьардаһар
дьон эбиттэрэ үһү. Ол иһин бэйэлэрин най барбыт наахаралар
буолабыт дииллэрэ үһү.
Ыйылас ийэтин ууһун сорохтор Кэнньэ ийэтин ууһа диэн
кэпсииллэрэ. Баҕар бу икки аҥы ийэ ууһа буолуохтара.
Аммаҕа аан маҥнай олохсуйбут дьон итилэр буолаллара
үһү.

Халандаар уларыйыытын туһунан

Былыр сахалар кыһыҥҥы хонуктара алтынньы 1 күнүт-
тэн ааҕыллар эбит, оттон сайыҥҥы хонуктара ыам ыйын 10
күнүттэн ааҕыллар эбит. Ити нуучча халандаарыттан сабы-
дыаллатан итинник буолбут эбит. Аныгы стиль иннинэ, урук-
ку стилинэн алтынньы 1 күнэ, билиҥҥи стиллээх алтынньы
14-с күнүттэн саҕаланар. Ити курдук сыл саҕаланыыттын
ый бастакы күнүттэн быһаччы ааҕыы түмүгэр, урукку стиль-
гэ олоҕурбутунан, билиҥҥи стиллээх алтынньы 14күнүттэн
ааҕыллар буолбут. Саас сайыҥҥы хонук ааҕыллыыта эмиэ
итинник. Былыргы сахаларга кыһыҥҥы хонугу ааҕыы хал-
лаан ыйа тахсыбыт бастакы күнүттэн быһаччы ааҕыллара.

87