Page 94 - Агабыт туьунан иьирэх тылынан

Киэһэ аһыы олорон Кылыкынай хаһаахтан ыйыппыт: «Ити
киһини аһатабыт дуо?» - диэн. Хаһаах: «Суох», - диэбит. Онон
аһаппатахтар. Киэһэ хаһаах таһырдьа тахсыбытын кэннэ Кылы-
кынай Киппирийээнтэн хатааһыннаах чуулаан нөҥүө ыйыппыт:
- Киппирийээн, дьэ бу туох айылааҕын кэбилэнэ сылдьа-
ҕын? Хааһына харчытын сиэбиккин дуу? - диэн.
- Дьэ, төрүкү билэр атаһым-доҕорум, абыраа, хайдах куота-
бын? Сүбэлээ, - диэн Киппирийээн ыйыппыт.
- Куортугуҥ баар дуо? - диэбит Кылыкынай.
- Суох, умнан кэбиспиппин дьиэбэр - диэбит Киппири-
йээн.
- Оо! Түүн хаһаах утуйбутун кэннэ уоран туран, дьиэҕиттэн
куортуккун аҕалаар, мин ат бэлэмниэм. Сарсыарда хаһаах ту-
руон иннинэ хайаан да манна баар буолаар. Кинээс буолан ба­
ран хайдах куортуга суох сылдьаҕын? - диэбит Кылыкынай.
Киэһэ хаһаах утуйбутун кэннэ Кылыкынай дьаһалынан
Киппирийээн солбук аттарынан Бөрөлөөххө дьиэтигэр кэлэн
түүн куортугун ылан баран Тулунаҕа киһи туруон иннинэ тиий-
битэ үһү. Ол тиийэн чуулааныгар сыбдыйан киирэн, Кылы-
кынайыгар хататан баран утуйбута үһү. Сарсыарда хаһаах туран
аһыы олордоҕуна Кылыкынай ыйыппыт:
- Тойон хаһаах, ити киһибитин таһааран аһаппаппыт дуо?
- диэн.
- Таһааран аһат, - диэбит хаһаах.
Кылыкынай Киппирийээни таһааран остуол уҥуор өттүгэр
хаһааҕы утары олоппут. Аһыы олорон Кылыкынай эппит:
- Тойон хаһаах, бу нэһилиэк кинээһин тутар иһэр эбиккин,
тойону. Бэйэҥ бэйэҕинэн куһаҕаннык дьаабыламмыккын, нэ-
һилиэгиҥ дьоно үҥсүөхтэрин сөп. Аһыйар, харыстыыр, ытык-
тыыр баар-суох киһилэрэ. Бостуой айдаан буола сылдьыа,
бэйэҕин эрийиэхтэрэ, ол хааһына харчытын эһиил да төлүүр
кыахтаах киһи - диэбит.
Онуоха хаһаах:
- Ол кинээс, тойон буолар туох бэлиэлээҕий? - диэбит.
Онуоха Кылыкынай:
- Куортугуҥ ханнаный? - диэн Киппирийээнтэн ыйыппыт.
Киппирийээн сонун сиэбиттэн куортугун ороон таһаарбыт:
«Бу баар», - диэбит хаһаахха.
- Оо! Хаһаах, айдааны оҥорбуккун! Тойону тутан иһэр эбик-
кин буолбат дуо?! - диэбит Кылыкынай.
Хаһаах Киппирийээн куортугун көрөн баран онтон босхолоон
ыытан кээстэ үһү. Тыл-өс оҥорума диэн көрдөспүтэ эбитэ үһү.
92