Page 98 - Агабыт туьунан иьирэх тылынан

- диэбит. Онуоха кэлбит киһи: «Дьэ, нөрүөн көрсө, аахса кэллим»,
- диэн баран ат нөҥүө туран эрэн батыйатынан Лаҕа Баатыры
төбөтүн оройунан түһэрбит. Онуоха Лаҕа Баатыр батыйатын туора
тутан тоһуйан биэрбитигэр анараа киһи батыйата угун төрдүнэн
тостон хаалбыт.
Ыксал буолбут, тыынын быыһыыр охсуһар сэбэ суох хаалбыт.
Инньэ гынан атын быраҕан, атаҕынан атах-балай иннин диэки
куоппут. Лаҕа Баатыр кэнниттэн эккирэппит, ситиэхчэ сиппэтэх.
Ол курдук сүүрэннэр Мыла үрэҕэр тиийэн кэлбиттэригэр, Нам
киһитэ уулаах үрэҕи (кэҥиһи) үрдүнэн уҥуор ыстаммыт, ол ыста-
ныытыгар Лаҕа Баатыр батыйатын киһитин эмэһэтин көп этин
тирии таҥастары баҕастары хайа сырбатан хаалбыта үһү. Кэҥиһи
уҥуор кыайан ыстамматах. Анараа киһи кэҥис уҥуор тахсан бэр-
кэ ыарыыланан эмэһэтин этин хам туттан туран эрэ: «Дьэ, аны
эйигин хаһан да тыытыам суоҕа, эйиэхэ хаһан да эргиллиэм суо-
ҕа, аатырыаххын аатырар ат бөҕө, кус быһый киһи эбиккин, уһун
үйэлэн, саргылаах саастан, уйгулаах олохтон» - диэн баран, баран
хаалбыт.
Онтон ыла кырдьык эргиллибэтэҕэ эбитэ үһү. Ол гынан баран
Намҥа тиийэн сылы быһа ыарыыланан сыппыта үһү, арыычча
тиллибитэ үһү диэн кэпсээн баар.
Дүөндү. 1974 сыл, бэс ыйын 30 күнэ.
87 саастаах Туомуска оҕонньор кэпсээниттэн

Тиит Буурай
Тиит Буурай Найахыга төрөөбүтэ, Найахыга олорбута үһү.
Кини кыра оҕо эрдэҕинэ ийэлээх аҕата Нэрэлики чугаһыгар
Бас диэн алааска олорор. Наар сылгынан байбыт, аҕыйах ынах
сүөһүлээх, сыл аайы ыһыах ыһар идэлээх Куостаайы диэн
баайга сылдьаллара үһү. Ол ыһыахтарга Тиит Буурай кыра оҕо
сылдьан ийэтин, аҕатын батыһан кэлэ сылдьара үһү.
Ол сылдьан наар оҕолору атахха тэбэн, кырбаталаан, дьо­
ну араастаан дьиибэлээн сүгүн сылдьыбат эбит. Онон кыра
эрдэҕиттэн дьиибэлээх-баабалаах уонна куруубай майгылаах
эбит. Ол иһин ийэтэ, аҕата кэлин уолларын Куостаайы ыһыаҕар
илдьэ кэлбэт буолбуттар. Сылгыларын, сүөһүлэрин, дьиэлэрин
көрдөрө дьиэлэригэр албыннаан хаалларар буолбуттар.
Ыһыахха сүгүн сылдьыбатыттан ийэтэ, аҕата сүрдээҕин кы-
бысталлара үһү.

96