Page 96 - Агабыт туьунан иьирэх тылынан

эбит. Бу кэлбит биэс дьон туттар сэптэрэ диэн ох саалаахтара,
муос сүгэлээхтэрэ үһү. Аһылыктара үксэ балык эбит. Кинилэ-
ри ким да куттанан тыыппат эбит. Дьэ бу кинилэр оҕолоро дуу,
кинилэртэн хаалбыт оҕо оҕото дуу эбит Дара бухатыыр диэн.
Дараттан ким ууһаан хаалбыта эмиэ биллибэт.

Былыргы сахалар тойуктара
Былыр сахаҕа дьахтар уонна эр киһи хардарыта туойсар
идэлээхтэрэ эбитэ үһү. Эбэтэр ол аата ырыанан кэпсэтэллэрэ
үһү. Ону таһынан хомуһунан туойсуу эмиэ дэлэй эбит. Хар-
дары-таары ырыанан, хомуһунан туойсууга ыллатааччы хас
биирдии тылын истээччи өйдүүр буолуохтаах эбит. Өскөтүн
ыллатааччы уонна хомусчут ырыаларын тыла чуолкай иһил-
либэт буоллаҕына ырыаһыт куһаҕан ырыаһытынан, хомусчут
куһаҕан хомусчутунан ааҕыллар эбит. Ол ырыаһыт тылын ис-
тээччи сатаан истиминэ кыайан хоруйдаабат эбит. Былыр үчү-
гэй ырыаһытынан кылыһахтаах ырыаһыты эрэ ааттыыллар
эбит. Кылыһаҕа суох ырыаһыты куолаһа үчүгэй да буоллаҕына
мөлтөх ырыаһытынан ааттыыллар эбэтэр көннөрү үчүгэй эрэ
куоластааҕынан ааттыыллар эбит. Эр дьон бэйэ-бэйэлэрин
туойсан эмиэ ыллаһаллара үһү.

Күтүр эмээхсин
Былыр Дүпсүн сиригэр Күтүр эмээхсин диэн олорбута үһү.
Кини хас да уоллаах эбит. Уолаттара бары олус күүстээх бухатыыр
дьон буолбуттар. Кинилэр охторун Дыгын уолаттара кыайан аты-
тан таппаттара үһү. Инньэ гынан дьулайан тыыппаттара үһү.
Бу эмээхсин уһун тайах тириитэ соннооҕо үһү. Олордоҕу-
на сонун аллараа тэллэҕэ сиргэ эргиччи тэлгэнэрэ үһү. Сонун
үөһээ өттө хороох бэргэһэ курдук төбөтүн саба бүрүйэн өрө хо-
ройо сылдьара үһү. Икки илиитэ уһуннара бэрт буолан тобугун
аллара өттүгэр сототун ортотугар тиийэрэ үһү. Сорох кэпсээ-
нинэн, атаҕын тиҥилэҕэр, кыыс бэрбээкэйигэр тиийэрэ үһү.
Кини олорбут сирдэринэн сир киэнэ талыылара: Бөрөлөөх,
Нэрэлики, Эрбэһин эбиттэр. Күтүр эмээхсин саҕана Эрбэһин
Киэҥ Дьаадьалыма диэн ааттанар эбит.
Дүөндү. 1974 сыл, бэс ыйын 30 күнэ.
87 саастаах Туомуска оҕонньор кэпсээниттэн

94