Page 235 - Сэрии кэмин оҕолоро 1 кинигэ

КУРБҮҺАХ нэһилиэгэ

кыра уолу көрөр этибит. Тэптиргэҥҥэ ийэбит көлүүр оҕуһун көрөрө. Кини кэргэнэ
уоттаах сэриигэ баран өлбүт, онон кэнники мин аҕам кэргэн ылбыта. 2 уола Семен,
Петр диэннэр, билигин биһиги кэккэбитигэр суохтар. Мин бииргэ төрөөбүт 2 убай-
даах, 1 эдьиийдээх этим. Эдьиийим Чурапчы улууһугар ыал буолан алта оҕоломмута,
олор бары Сылаҥ нэһилиэгэр ыаллар. Убайым Хабырыыс эмиэ 6 оҕоломмута, Маа-
йатынаан 60 сыл бииргэ олорбуттара.
Сэрии кэнниггэн, 1948 сылларга эҥин буолуо, Ермолаев Христофор Егорович,
Окоемов Семен Михайлович, Местников Дмитрий Васильевич, Винокуров Василий
Васильевич, Бурнашев Федосий Васильевич сэрииттэн төннүбүттэр, эдэр дьон бары
ыал буолбутгара, эйэлээх олоҕу уһансыбыттара, үлэлээбиттэрэ.
Оҕо сааһым кыстык балаҕаммытыгар Тэптиргэҥҥэ, Бэс Үрэх сайылыкка ааспыта.
Мин, оонньуур оҕом суох буолан, Куулдьаҕа Сүөдэр уонна Матырыас Винокуровтарга,
элбэх оҕолоох ыалга, оонньуу барарым. Көҥүллэтэн өссө хоно сатыы тиийэрим. Аччы-
гый кыыстара Маайыс, миигиттэн аҕыйах сыл аҕа, кинилиин оонньуурбут. Сороҕор
аны кини миэхэ хоно тахсара. Аара оонньуу-оонньуу кэлэбит, сүксэбит. Мин уҥуох-
пунан кыра буолан, кини миэхэ сүктэрдэҕинэ, атаҕа соһулла сылдьааччы. Ийэлэрэ
Матырыас наһаа үчүгэй, киһи-киһитэ этэ. Куулдьаҕа элбэх баҕайы бурдугу тардара,
бүтүннүү бурдук буолбут буолааччы. Суорат бөҕөнү оҥороро, оҕото элбэх буолан аһы
наһаа астыыра, лэппиэскэни саха оһоҕор буһарара.
Оҕолорго сайылыкка көһүү туһунан бырааһынньык буолара. Оскуола иннинээҕи
оҕо саас саамай күндү кэмэ этэ. Сайын сайылыкка оҕо бөҕө элбэҕэ, сөтүө, араас оон-
ньуу: бырыычыка, лапта, оҥхойдоһуу, сасыһа оонньооһун уо.д.а. Сайылык оҕолоро:
Костромина Клара Петровна, Васильева Мария Петровна, Васильев Кузьма Алексее-
вич, Васильева Мария Алексеевна, Аммосова Дария Дмитриевна, Аммосова Клара
Дмитриевна, Аммосов Дмитрий Дмитриевич, Аммосов Михаил Дмитриевич, Вино-
курова Евдокия Михайловна, Ермолаев Иван Капитонович, Винокуров Михаил Ми-
хайлович, Винокуров Николай Михайлович, Винокуров Федот Васильевич, Виноку-
рова Фекла Васильевна, Винокурова Мария Петровна, Винокуров Семен Федорович,
Винокуров Иннокентий Федорович, Винокурова Мария Федоровна (аччыгый Маа-
йа), Карманилов Егор Егорович, Карманилов Спиридон Спиридонович, Бурнашев
Григорий Иванович, Карманилов Василий, Бурнашев Константин, Макаров Атек-
сей Петрович, Винокурова Татьяна Николаевна, Аммосова Матрена Серафимовна,
Аммосов Алексей Егорович, Карманилова Пелагея Егоровна, сайылык хамандыыра
Васильева Мария Гаврильевна.
Титииктэргэ 5 ыанньыксыт баара: Ермолаева Елена Степановна, эдьиийим Праско-
вья Гаврильевна Васильева, Васильева Матрена Алексеевна, Винокурова Дария Ин-
нокентьевна, Карманилова Дария Николаевна оччотооҕуга ынаҕы ньирэйгэ эмнэрэн,
күҥҥэ 4 ыыллара. Ферма сэбиэдиссэйинэн Винокурова Дария Михайловна, Виноку-
рова Евдокия Михайловна ийэтэ, үлэлиирэ. Эмээхситтэр үс сайылыгынан ыалдьыт-
таһаллара: арҕаа, орто, илин сайылык ыалларынан. Сайылыкка оҕо элбэх. Арай биир
үтүө күн Атарбаайыга барыыга кыра саха ынаҕа суолга сытар эбит. Ынахпыт наһаа
сымнаҕас, сүбэлэһэн баран, быата булан муоһуттан баайыахха диэн буолла. Ким кур-
даах, ким баттах быалаах, онон баайдыбыт, ынахпыт сытар, кыһаммат. Туруоруох-
ха диэн буолла: ким үүрдэ, ким оҕуста. Үрдүгэр олоруох буолбуппутугар ынахпыт
аргыыйдык турбутугар бары сурулаан кэннигэр түстүбүт, хата, туохпутун да өлөр-
бөтүбүт диэн күлсүү буоллубут.
Оҕо саас ааһан, аны оскуолаҕа киирии буолла. 1949 сыл элбэх буолан Дьөгүөрэп
оскуолатыгар үөрэнэ киирдибит. Аҕам атынан кыра өйүө сыыстаах бардыбыт. Илин
Лазарев Кондрат олоро сылдьыбыт дьиэтин аттыгар Толоон Эбэ, Батаҕаннаах оҕолоро
олорор холкуоһунай интэринээттэрэ баара. Нуучча дьиэтэ эрээри, тула мас оронноох,
онно иккилии буолан утуйарбыт. Аммосов Михаил Иннокентьевич ийэтэ остуорас: чэй
өрөр, оһох оттор этэ. Начаалынай кылааска наһаа үчүгэйдик учууталлаабыт Феврония

231