Page 152 - Уйбаан Бахсылыырап. Сэрии кэмин оҕолоро - эйэлээх олох уустара

үлэлээбиттэрэ. Сельсовекка туһунан дьиэ суоҕа, үксүгэр кулууп муннугар
кыракый хоско уйаланан үлэлиирбит. Тыа сирин кулууба хаһан сылаас буол-
бута баарай, күнүстэри олорон үлэлииргэ тоҥуу-хатыы бөҕө буоларбыт.
Оччолорго чэрэниилэнэн суруйар кэмҥэ, чэрэниилэбит кытта тоҥоро. Ол
саҕана Чэриктэйгэ туһунан Сэбиэт суоҕа, Дүпсүнтэн биһиги дьаһайарбыт.
Хамнаһы, оҕоҕо бэриллэр харчыны бэйэм түҥэтэрим, сылга 78-ка тиийэ оҕо
төрүүрэ. Бииргэ үлэлээбит Сэбиэт бэрэссэдээтэллэрбиттэн дьыаланы-куолуну,
сурук үлэтин ордук И.А.Халдеев, Н.А.Оконешников, Г.И.Федоров үчүгэйдик
толороллоро, оҥороллоро.
Уһуннук бииргэ үлэлээбит, суот-учуот үлэтин чуолкайдык толорбут бух-
галтердарынан М.Т.Прибылых, Р.М.Белолюбская, М.Н.Прибылых, А.Н.П-
ротопопов уонна В.М.Пермякова буолаллар. Бары олус эйэ дэмнээхтик үлэ-
лээбиппит, хаһан да киҥир-хаҥыр саҥарсыбатахпыт. Шергин Захар Ивано-
вич солбуйар бэрэссэдээтэлинэн үлэлиирин таһынан нэһилиэк депутата этэ.
Кини нэһилиэккэ ыытыллар уопсастыбаннай үлэлэргэ, ордук нэһилиэккэ
бэрээдэк, сиэр-майгы тупсарыгар сыратын-сылбатын ууран туран үлэлээбитэ.
Кини пенсияҕа тахсан да баран ити хайысхаҕа өргө диэри өйүн-санаатын
чахчы биэрэн туран сыраласпыта. Нэһилиэк Сэбиэтин араас дьыалатыгар-
куолутугар, араас уустук докумуоннары нууччалыы толорууга сынньалаҥ уонна
култуура дьиэтин директора уонна библиотекарь Корнилов Николай Егоро-
вич суруйан көмөлөһөрө. Николай Егорович мин оскуолаҕа үөрэнэрбэр учуу-
таллыыр, бэрт аламаҕай киһи этэ.
Итинник үлэлии сылдьан коммунистическай партия кэккэтигэр (1961-
1991 сс.) киирбитим. Партияҕа киирэн баран икки сыл партком чилиэнинэн,
партком иһинэн хаһыат редакторынан үлэлээбитим. Оччотооҕу ирдэбили-
нэн комсомол уонна партия чилиэнэ уопсастыбаннай үлэ үөһүгэр сылдьара.
Онон мин агитзона начальнигынан, охотобщество кассирынан, истибэттэр
обществоларын председателинэн үлэлии сылдьыбытым. Икки сыл нэһилиэк
сэбиэтин депутатынан быыбардаммытым, 1972 уонна 1977 сс. нэһилиэкпэр
уонна Верховнай Совекка норуодунай сэтээтэлинэн дьон итэҕэлин ылан үлэ-
лээбитим. Онон үөһэ ахтан аһарбытым курдук, олоҕу кытта тэҥҥэ хардыы-
лаан, Сэбиэскэй былаас саҕана, олох үллэр үөһүгэр сылдьыбытым.
Өр сыллаах үлэбин сыаналаан райсовет, нэһилиэк дьаһалталара, аймах-
тарым, табаарыстарым 50 сааспын туолбуппар бэртээхэй үбүлүөйү тэрий-
биттэрэ. Онно истиҥник чиэстээн элбэх үтүө тыллар этиллибиттэригэр, сыа-
налаах бэлэхтэри туттарбыттарыгар “чахчы да үлэлээбит эбиппин” диэн киэн
тутта санаабытым. Ол иһин билигин сааһыран да олорон улаханнык махтана
саныыбын.
Үлэлээбит сылларбар Уус-Алданнааҕы РК КПСС, райсовет исполкомун
ааттарыттан уон төгүл, олохтоох парткомтан, нэһилиэк сэбиэтиттэн алта
төгүл Бочуотунай грамоталарынан наҕараадаламмытым. Маны таһынан Саха
АССР военнай комиссариатын бирикээһинэн 3 №-дээх уонна 22 №-дээх
бирикээстэригэр олоҕуран, байыаннай дьыала учуотун үчүгэйдик ыыппы-
тым иһин Махтал суругунан бэлиэтэммитим. Сэрии сылларыгар “Үлэҕэ кил-
биэнин иһин”, “Кыайыы 50”, “Кыайыы 55”, “Маршал Жуков”, “Кыайыы
60” уонна “Кыайыы 65” сылларыгар мэтээллэринэн наҕараадаламмытым.
Дүпсүн нэһилиэгэ мин сэмэй үлэбин сыаналаан, 2002 с. “Бочуоттаах олохтоох”
ааты иҥэрбитэ.
Кэргэмминээн Федоров Илья Ильичтыын 14 сылтан ордук бииргэ олус
эйэлээхтик, дьоллоохтук олорбуппут. Хомойорум диэн биир, дьылҕа хаан
ыйааҕынан, оҕом Софья 7 сааһыттан эмиэ аҕата суох тулаайах хаалаахтаабыта.
Тракторист идэлээх аҕабыт, Илья Ильич, үлэ үөһүгэр сылдьан тымыр быс-

148