Page 154 - Уйбаан Бахсылыырап. Сэрии кэмин оҕолоро - эйэлээх олох уустара

ланнар киһиэхэ тута өйдөнөр. Баһылай миэхэ кини-
гэтин биэрэригэр: “Доҕорум, Уйбаан Бахсылыырап,
уһун, дьоллоох олоҕу олор. Баһылай”, — диэн алгыс
тыллары суруйбута. Дьиҥэр, Баһылайдыын биһиги
наһаа элбэхтэ атах тэпсэн олорон поэзия туһунан эл-
лэспэтэх дьоммут. Мин хаһыакка үлэлии сылдьан,
кини диспансерга сыттаҕына бырааһынньыктарга
дөрүн-дөрүн, кэргэммэр ас астатан, дьиэ аһын илдь-
эн биэрэрим. Баһылайым миигин наар аан айаҕар
көрсөрө: “Ээ, эн итиннэ кииримэ”, — диирэ. Саас
таһырдьа тахсан кэпсэтэрбит. Бу кэлин, Баһылай суох
буолбутун эрэ кэннэ өйдүүбүн, бука, кини, миигин
харыстаан иһирдьэ киллэрбэтэ буолуо дии саныыбын.
Бүтэһигин улууспут хаһыата 70 сыллаах үбүлүөйүгэр
көрсүбүппүт. Ыксыы сылдьар этэ: “Дойдубар тахсаары киһибин күүтэ сыл-
дьабын”, — диэбитэ. Ким туһунан этэрин билэрим.
Баһылай ыра оҥостубут хоһоонноро күнү көрөллөрүгэр улахан төһүү буол-
бут киһинэн кини эдэр эрдэҕиттэн быраатын курдук саныыр доҕоро, скуль-
птор Василий Бочкарев буолар. Онтон поэт айымньыларын өйдөөн, өйөөн
Ил Түмэн депутата Александр Жирков күн сирин көрдөрбүтэ. Кинилэргэ
ааҕааччылар, поэзияҕа сүгүрүйээччилэр ааттарыттан махтал!
Баһылайа суох биир сыл ааһа оҕуста. Кинини тиһэх суолугар атаарарга
кыайан барбатаҕым. Бу хоһоонум кини сырдык кэриэһигэр бар дьонугар
тиийиэхтин.
Тапталы, дьолу өрө тутарыҥ

Олох өрүү охсуһуу буоларын
Оҕо, эдэр эрдэхтэн билбитиҥ,
Хобу, сэнэбили, сүөргүлүүрү
Баһылаай, элбэхтэ истибитиҥ...
Лирикаҥ ону билиммэтэҕэ,
Эн айар дьоҕуруҥ сүппэтэҕэ.
Ыраас “үрүччэ сүүрүгүнүү”
Эдэр, эмэн утаҕа буолара.

Айбытыҥ, Баһылаай, алыптаахтык
“Санаа сырдыгын, тыл мүөтүн
Көмүһүн, алмааһын көрдөөҥҥүн...”
Ааспат-арахпат ыарыыгын умнаҥҥын.

Олоххор эн, чороҥ соҕотох курдугуҥ,
“Оҕолоруҥ — хоһоонноруҥ” этилэр,
Тапталы, дьолу өрө тутарыҥ
“Тыыннаах сылдьарыҥ тухары...”

Дьонуҥ-сэргэҥ уурдулар уҥуоххар
“Тыыннааххар бэлэхтээбэтэх,
Тырымнас сибэккилэргин...” —
Бырастыы, мин кыайан кыттыспатым.

150