Page 31 - Березкин И.Г. Сайсары күөлэ уонна Сайсары булгунньаҕа

Тыҥааны Куо уһун суһуоҕун уҥа илиитигэр үс төгүл эрийэн,
бэйэтин хаҥас өттүгэр кыбынан, кыҥаттарыгар таарыйбакка,
арҕаа быраан аннынан Киллэм диэки ааһа турбут. Ол
кэнниттэн сотору Тыгын кырдьаҕас кыыһын мааны таҥаһын-
сабын ылан, элбэх ураа муостааҕы уонна сыспай сиэллээҕи
үүрэн, Кыыс Хаҥаҕа тахсан, ыһыах оҥорон киирбит.
Сайсары булгунньаҕар ити кэнниттэн, икки-үс сыл буо-
лаат, эмиэ дьон-сэргэ тоҕуоруйбут, өй-санаа өрөгөйдөөбүт
сирэ буола түспүт. Тыгын дархан самаан сайын салаллыытын,
күөрэгэй ыллыырын, кэҕэ этиитин, сир-дойду тупсуутун,
сүөһү аһылыга үүнүүтүн көрсө үөрүүлээх ыһыаҕы ыспыт. Ол
ыһыах аһыллыытын саҕана, Тыгын дархан уолаттарыпаан,
ыҥырыллыбыт ыалдьыттарынаан булгунньах илин чабыр-
ҕайыгар турбуттар. Онно Тыгын кырдьаҕас Амматааҕы кү-
түөтэ Мөгүөл Бөҕө, кэлэн, булгунньаҕы өрө сүүрэн тахсыбыт,
улахан үөрүүлээх көрсүһүү буолбут, уруй-айхал бөҕө буолбут.
Итинник норуот сэһэннэрин истэр буолан, П.А. Ойуунускай
Сайсары булгунньаҕын Тыгын кырдьаҕас үтүө-мааны
ыалдьыттарын көрсөр сиринэн оиостубутун туһунан суруйан
турардаах.1
Дьэ ити курдук, Тыгын дархан уолаттарыныын, ыҥы-
рыллыбыт ыалдьыттарыныын, Мөгүөл Бөҕөнү көрсөн баран,
аргыый аҕай булгунньах тэллэҕэр түспүттэр. Онно ааттаах
алгыстаах айыы ойууна баар үс курдуулаах моҥол ураһатыгар
барбыттар. Ураһа иһэ халыҥ гына тиит мае күөх лабааларынан
тэлгэтиллибит, истиэнэлэрэ эмиэ итинник күөх лабааларынан
киэргэтиллибит, ортотугар уоттаах холумтан баар эбит.
Ураһаҕа киирбит тойоттор уонна ьпгырыылаах ыалдьыттар
бары сиргэ тэлгэтиллибит күөх лабааларга олорбуТтар.
Айыы ойууна аан бастаан: "Айыы Таҥара көр!" — диэбит
уонна кыра уол көтөҕөн турар ымыйатыттан мае хамыйахта-
рынан кымыһы ыһан күдээритэлээбит. Ол кэнниттэн ураһа
иһигэр бары айыыларга аналлаах элбэх алгыстар, эҥин араас
кэпсэтиилэр буолбуттар, өр соҕус олорбуттар. Онтон ураһа
аана аһыллыбыт. Барыта үрүҥ таҥастаах айыы ойууна, уҥа
илиитин тарбахтарыгар үрүҥ сылгы сиэлин кыбытан баран,
онон аргыый аҕай талбаатаан таһырдьа тахсыбыт. Онтон
үөһээ диэки көрөн туран эмиэ эппит. "Үрүҥ Айыы таҥара
көр!" — диэн уонна кыра уол оҕо көтөҕөн иһэр үчүгэй баҕайы
ойуулаах ымыйатыттан мае хамыйаҕынан кымыһы баһан ыла-
ыла үс төгүл үөһэ ыһан күдээритэлээбит, ол аата ыһыах
ыспыт. Бу кэнниттэн ыһыах алгыстара саҕаламмыттар. Онно:

1 "Кыым" 73 нүөмэрэ, 1993 сыл, тохсунньу 16 күнэ.
29