Page 193 - Элэс Боотур Бүөтүр Оҕотоойоп
P. 193
ЭЛЭС БООТУР 177
Кэннигэр кэлэн
6140 Кэтэспитэ ырааппыт эбит.
Үөс Тардар
Өһөх Хабар баҕайы
Өлөрдөҕүнэ даҕаны
Өһөх сиэтэрэ биллибэт,
Айылааҕын аһата үөрүйэх
Айыы оҕото барахсан
Амсатаарай диэн,
Сыыдам үлүгэрдик
Сытыы кылыс буола охсоот,
6150 Адьарай ааттааҕын
Ап-чарай тылын
Быта курдук
Быһа көтөн,
Кустук оноҕос курдук
Куһууран ааста.
Үөс Тардар обургу
Үс төгүл
Үөһүн тартаран
Үөҕэн кыланна,
6160 Өлөр саҥатын саҥарда.
Адьарай алдьархайдааҕа,
Ааһар-куотар
Аба-хомуһуна
Тылыгар баарын
Тоҕу көтүтэн,
Аттаабыт атыыр оҕус курдук
Мөлтөөн-ахсаан,
Мунур уһугар түһэн
Эдьиийин ыҥыран
6170 Эҥсэлийэ турда.
Үөс Тардар
«Хотун эдьиийим,
Хаан Сарахайдаан
Улуу удаҕан,
Утуйбут буолларгын уһугун,
Уҥмут буолларгын өйдөн,
