Page 195 - Элэс Боотур Бүөтүр Оҕотоойоп
P. 195
ЭЛЭС БООТУР 179
Өһөх Хабар обургу
Өлөрөн-өһөрөн
Үрүҥ күммүттэн сүтэрэн эрэр.
Күнүм киирэрэ,
Күһэҥэм быстара буолла,
Кэлэ тардыый!» — диэтэ.
Эппит тыла
Этиҥ былыта буолан ньирилээтэ,
6220 Саҥарбыт саҥата
Сата былыта буолан сатараата.
Үөһээ дойдуттан
Үөлэс үүтүн курдук
Хоролҕон хара аартыгынан
Хотоҕой тыаһа
Куорсуннаах оноҕос курдук
Куһууран иһэрэ иһилиннэ.
Этэн баран
Эҕирийиэх икки ардыгар
6230 Элэс Боотур иннигэр
Кылааннаах уһуктаах
Кыыс Ньургун бухатыыр
Биирдэ баар буола түстэ.
Охсуһуу улахана,
Кыргыһыы кытаанаҕа,
Өлөрсүү үлүгэрдээҕэ
Манна үөдүйдэ.
Кылааннаах уһуктаах
Кыыс Ньургун бухатыыр
6240 Хаан Сарахайдаан
Улуу удаҕанныын
Хаһыытаһа-хаһыытаһа
Халыҥ тириилэрин
Хайытыспытынан бардылар.
Эһэ Хара аттаах
Элэс Боотур
Үөс Тардардыын
Ү өгүлэһэ-үөгүлэһэ
Өлөр сирдэригэр
6250 Өтөрүтэ түһүстүлэр.
