Page 197 - Элэс Боотур Бүөтүр Оҕотоойоп

ЭЛЭС БООТУР 181

Кыыһыҥ төбөтө», — диэт,
Кылана-кылана ытаата.
Оҕонньор сүрэҕэ сэрэйэн:
«Оо, оокком!»— диэт,
Хараҕын уутун сотунна,
Хаанынан ытаата,
Өйүттэн тахсан,
Өлүк буолан хаалла.
Эһэ Хара аттаах
6300 Элэс Боотур обургу
Үөс Тардар
Өһөх Хабар баҕайыны
Үрүт күүһүн өһүллэ,
Алын күүһүн алларытта,
Тобугун үрдүгэр
Тоҕуста туруйалатта,
Атаҕын үрдүгэр
Аҕыста атаралатта,
Ат гынан мииннэ,
6310 Оҕус гынан көлүйдэ.
Үөгүлүү түһээт,
Өттүгэр мииннэрэн аҕалан
Үрдүк былыты
Үрүт өттүнэн
Өрө күөрэтэн аҕалан
Сири сэттэ саһаан холобурдаах
Тобулу быраҕан түһэрээт,
Төбөтүн туура тардан эрдэҕинэ,
Хайыарбыт ойбон курдук
6320 Хаспахтаах харалҕан
Хараҕын иччитэ
Хайы-үйэ
Үс бүүрүктээх
Үөдэн дьөлөрү
Түҥкэтэх түгэҕин диэки
Түргэн үлүгэрдик
Ууллубут хорҕолдьун курдук
Унньулус гынан хаалла,
Баран иһэн
6330 Маннык диэн