Page 198 - Элэс Боотур Бүөтүр Оҕотоойоп

Саҥалаах буола истэ.

Үөс Тардар кута-сүрэ

«Аанай-туонай абам!
Аан курдук
Алдьаммыт алдьархайым,
Иин курдук
Иҥнэстибит иэдээним.
«Айакка», — диэтэхтэринэ,
Арсайа-арсайа күлэрим,
Айаккалара диэн
Алдьархай да буолар эбит!
Ыалдьан ыксаатахтарына,
Ырдьайа-ырдьайа күлэрим,
Ыалдьаллара диэн
Ынырык да буолар эбит!
«Өлөрүмэ, өрүһүй» — диэтэхтэринэ,
Өлөрө охсорум,
Өлөллөрө диэн
Үлүгэр да буолар эбит!
Ол эрээри, нойоон,
Кыайдым-хоттум диэн
Олус наһаа үөрүмэ-көтүмэ,
Кэнникитэ билиэ.
Кэнэҕэһин кэнэҕэс
Кыыс оҕоҥ
Кыптыыйынан кыччаныыта,
Уол оҕоҥ
Оноҕос саанан оонньуута
Холумтаныҥ түгэҕинэн күөрэйэн
Күөн көрсүөм,
Күрэс былдьаһыам,
Күлэ-күлэ
Күлгүн көтүтүөм», — диэт,
Саҥата салгыҥҥа
Сүтэн хаалла.

Эһэ Хара аттаах
Элэс Боотур обургу