Page 200 - Элэс Боотур Бүөтүр Оҕотоойоп
P. 200
184 П. В. ОГОТОЕВ
Истиҥ доҕорум,
Имик-самык
Илэй-балай тойукпун
Икки тэргэн ыйым тэҥэ буолбут
Икки кэрэ чуор кулгааххынан
Истэ дьарыгылыы тур эрэ!
6410 Эн диэтэх киһи
Уон тарбаҕыҥ уунуута
Улахан эбит,
Биэс тарбаҕын биэриитэ
Бэлиэ эбит!
Аһата үөрүйэх аһаттыҥ,
Сиэтэ үөрүйэх сиэттиҥ.
Сааһыҥ тухары
Саастааххын самнаран
Салгыы сырыт,
6420 Үйэҥ тухары
Өһөгөйдөөххүн өлөрөн
Үссэннэрэ сырыт.
Ү т үөҕ үн - өҥөҕ үн
Үтүөнэн төлүөм», — диэтэ.
Кылааннаах уһуктаах
Кыыс Ньургун бухатыыр
Кыайан-хотон баран
Бараары туран:
«Ыксал күҥҥэр
6430 Ыҥырар буолаар», — диэт,
Моонньугар моойторуктаах,
Кутуругар хоболоох,
Ортотугар уохтаах,
Орулуур күүстээх
Мохсоҕол кыыл
Буола охсоот,
Сыыдам-сыыдамнык
Сылыбырайа көтөн
Үөлэс үүтүн курдук
6440 Өлүү аартыгынан
Үлүскэн түргэнник
Үөһэ тахса турда.
