Page 202 - Элэс Боотур Бүөтүр Оҕотоойоп

186 П. В. ОГОТОЕВ

Иин курдук иһийбит
Иччитэх уорук эбит.
Тон күөс быстыҥа
Тула өттүн көрөн
Туту да булбакка
Тумантга мунан турда.
Сымара таас оронугар
6490 Сыта-олоро сылыктаан,
Тугэх дойду
Түүн сырыылаах
Түрүлүүр түөкүнэ
Хайаан даҕаны
Хараҥа хаайыылаах,
Уорбутун-талаабытын
Уурар омуһахтаах,
Кимиэхэ да эппэт
Кистэлэҥ сирдээх
6500 Кэрэдэк буолуохтаах диэн,
Кэлин уһугар тиийэн
Толкуйдаан тобулаат
Тура эккирээтэ.
Үс түүннээх күнү мэлдьи
Үөс Тардар обургу
Уорастыйбыт, уораадыйбыт
Улуу уоругун
У ораҕайын -чуораҕайын
Утуйбакка, олорбокко
6510 Иһин-таһын
Ии курдук эргийэн,
Имири ирдээн,
Иннинэн сирэйдээх,
Икки атахтаах
Баарын билбэтэ,
Барыҥныырын көрбөтө.
Булар сирэ мунурданан,
Модун санаата булгуруйан,
Тууйуллан-тумнастан
6520 Туймааран турдаҕына,
Уот кудулу оһох
Буор модьоҕотун анныттан