Page 203 - Элэс Боотур Бүөтүр Оҕотоойоп

187
ЭЛЭС БООТУР

Ытыыр-соҥуур саҥа
Ыам кумаарын курдук
Ыраах тыҥкынаан иһилиннэ...
Иэйэр-куойар саҥа
Этэр тылын эгэлгэтин
Элэс Боотур
Иһиллээн-иһийэн турда.

Сыральпгса Куо

6530 «Ыы-ы-ы-ыыйбыан,
Аа-а-а-аайбыан!
Кимнээх буолан,
Кимим кэлэн,
Көмүскээн-харыһыйан
Киһи-хара гыныай ?!
Туохтаах буолан,
Тугум кэлэн,
Дурда-хахха буолан,
Үрүҥ тыыммын өрүһүйүөй ?!
6540 Кэрэгэй кэскиллэниэм иһин,
Көхсүттэн көнтөстөөх,
Көмүскэстээх санаалаах
Күн өркөн улууһун
Күлүмэх күүстээхтэригэр
Көмүскүүр-харыһыйар кыахтаах
Көстүбэтэх муҥа буоллаҕа дуу ?!
Абааһы аһылыгар
Ананыам иһин,
Арҕаһыттан тэһииннээх

6550 Аһыныгас сүрэхтээх
Айыы хаан аймаҕын
Албан ааттаахтарыгар
Аһынар-харыһыйар киһи
Адьас суох буолбут
Абакката буоллаҕа дуу ?!
Күнтэн сүтүөм иһин,
Күн санаалаахтар
Көрөр харахтара сабылыннаҕа,
Эрдэ ииннэниэм иһин