Page 205 - Элэс Боотур Бүөтүр Оҕотоойоп
P. 205
Халыһыйан түһэ турда.
6600 Иэһийэ иҥиэттэр
Им-балай хараҥа иин
Түгэҕэр тиийэн
Төгүрүччү көрбүтэ:
Түспүт төннүбэт
Түүнүктээх түрмэ эбит.
Борук-сорук
Борунуй муннукка
Үөһээ өттүттэн,
Өһөх хара халлаантан,
6610 Кэниэрдээх кэлтэҕэй күнтэн
Кэмчи сырдык киирэн,
Сулус курдук суһумнуу
Сырдатар эбит.
Кыараҕас хайаҕаһынан
Кыламныыр сырдыкка
Кыһайан көрбүтэ:
Кэрэ бэйэлээх
Кэргэнэ барахсан
Хара баҕанаҕа
6620 Хамса угун курдук
Хам кэлгиллэн
Хараҥа хаайыыга
Хаанынан ытыы,
Суос-соҕотоҕун сордоно
Олорор эбит.
Элэс Боотур обургу
Этэн баран
Эҕирийиэх икки ардыгар
Тимир тиһилик сыабы
6630 Тиниктэһэ турбакка
Тон боруу курдук
Тоһута тутан кэбистэ.
Үөһээ уостарыттан
Үстүү удьаа,
Аллараа уостарыттан
Алталыы хамыйах
Хаан кэлиэр диэри
Эмэ-эмэ, имэҥнээхтик,
