Page 204 - Элэс Боотур Бүөтүр Оҕотоойоп

188 П. В. ОГОТОЕВ

6560 Эйэҕэс сүрэхтээхтэр
Истэр кулгаахтара бүөлэннэҕэ!
Көмүскэтэрим эрэ
Көмүскэм уута,
Харыһыттарарым эрэ
Хараҕым уута буолбут муҥа баар.
Аата, аанай-туонай
Абам-сатам баар эбит!
Маннык муҥҥа түбэһэр
Түҥнэри төлкөлөөхпүн
6570 Түһээн да көрбөтөх,
Биттэнэн да билбэтэх
Муҥум-сорум буолар эбит!
Күнтэн сүтүөм иннинэ
Күндү доҕорбун
Эһэ Хара аттаах
Элэс Боотуру,
Муҥ саатар,
Биирдэ көрдөрбүн
Муну-сору тулуйуом,
6580 Ыар санааны
Ыраах кыйдыам,
Өлөрбүн-сүтэрбин
Утуйарга холуом этэ», — диэтэ.

Элэс Боотур
Этиэх түгэнэ
Сымара таас оһоҕу
Сыҕарыта аста.
Уот кудулу оһох
Оннуттан уларыйбакка
6590 Иэччэх курдук
Эргийэн дьигиһийдэ.
Оһох анныгар
Омуһах аана
Аат айаҕын курдук
Аҥас гына түстэ.
Хабарҕа кэрдииһин курдук
Хабарҕал хара кирилиэс
Хабыс-хараҥаҕа