Page 207 - Элэс Боотур Бүөтүр Оҕотоойоп

ЭЛЭС БООТУР 191

Түүнүктээх түрмэттэн
6680 Түргэн үлүгэрдик
Төлөрүтэ оҕуста.
Бары даҕаны
Баттах сарыннаах,
Бараа быччыҥнаах,
Бүдүрүйэр диэни билбэтэх
Бүтүн күүстээх
Туспа дойду
Туллубат тулааһыннара,
Атын сир
6690 Албан-дьоһун ааттаахтара,
Айыы хаан аймаҕын
Араҥаччылыы киирбиттэрин
Абааһы уолун
Аҥаарыйар ааттааҕа
Тоҕус уон тоҕус
Куотар кулан дьай
Кубулҕатынан куоһаран,
Аҕыс уон аҕыс
Ааһар былыт албаһынан
6700 Аһара түһэн,
Аан курдук алдьаппыт,
Иин курдук иҥнэрбит,
Өлөрөн-өһөрөн иһэн,
Сыккырыыр тыыннарын эрэ
Can саҕаттагг иҥиннэрбит.
Урааҥхай оҕолорун уһуктаахтарын
Уһун дэлэгэй санаалара
Саптааҕар кылгаабыт,
Дириҥ далай өйдөрө
6710 Сүүтүктээҕэр кыараабыт.
Өлөр күннэрэ үтүрүйбүт,
Хаалар күннэрэ
Хаардаах-самыырдаах
Хара былыт курдук
Хаххалаабыт эбит.
Хайа эрэ хаарыан бэйэлээхтэр
Хараҥа хаайыыга хаайтаран,
Харыһыттараллара эрэ