Page 101 - Олоҥхо биһигэр

аны сайын өтөхпүтүн оттуохпут диэн отун-маһын өрө тарда, үлэлии
сылдьыбыт. Бу сырыттаҕына илин буобура суолунан ат, оҕус көлөлөөх
дьон көстөн кэлэллэр. Хайа айан дьоно буоллаҕай диэн сыныйан
көрбүтэ, бэйэтин дьоно Байбаллаах буолан хаалар. Хайдах-хайдаҕый?
Бөкчөгөр кыыстарыгар ат мииннэрбиттэр, сүөһү сэтиилэммиттэр диэн
дьиибэргии-дьиибэргии бастаан утаа суолта биэрбэккэ, ол эрээри тоҕо
эрэ хараҕын араарбакка салгыы үлэлии сырыттаҕына, дьоно дьиэттэн
тахсан үүт-үкчү урууга буоларын курдук тэһиин туталлар, сэргэттэн
дьиэ ааныгар диэри күөх от табыгынатан, кийиити аттан түһэрэн,
түн үрү, ходоҕойу арыаллаан дьиэҕэ киллэрэллэр. Маны көрөөт, Наара
Суох быалаһыы туһунан уруккуттан истибит, истиэхтээҕэр буолуох
быалаһыынан ыал буолан олорооччулары илэ хараҕынан көрбүт суола
буолан, туох да саарбаҕалааһына суох туе бэйэтигэр быһаччы ылынан,
туох-ханнык иннинэ далын кэтэҕинээҕи ойуурга түспүт уонна дьэ
ону-маны эргитэ-урбата санаабыт.
Тоҕо киниэхэ эрдэ эппэтилэр, кэпеэппэтилэр? Ону ылыныа суоҕа
диэн. Саамай сөп! Ол иһин оҥорон-оҥорон, тэрийэн-тэрийэн баран-
нар, биирдэ «лах» гыннаран олордон кэбиһээри — адьас сыыһа!
Итинэн сиэрдээн Наара Суох, кини төрөппүттэрэ бу өлүүлээх,
үлүгэрдээх үгэскэ ньүдьү-балай бэриниилээх, кини сэтиттэн-сэлээ-
ниттэн, иэстэбилиттэн туохтааҕар да ордук куттаналларыттан бу
дьаабыланан эрдэхтэрэ, маны сирэй бэйэбинэн киирэн булгурутуһан
көрөбүн диэн хата бүтүн аймаҕынан аҕыс айдааны, аймалҕаны, тулуур-
даах да тулуйбат уйун-хайын, долгуйуутун тоҕо тардаммын, ону сүрэх
бааһа оҥостоммун, сүгэһэр үрдүгэр сүгэһэр гыныах бэйэм буоллаҕа.
Ол кэриэтэ төһө да сэттээх-сэлээннээх, иэстэбиллээх диэтэллэр, бу
көхсүн гоноҕоһун уҥуоҕун ытык ыарыыга быһа сиэтэ сылдьар, ити
үлүгэр кэбилэммит бүгүн баар, сарсын суох дьахтар кэргэннэнэн ыал
аатын сүгэн олоруом уонна ити хара дьайдаах кыраммыт үгэс угун-
ньута буолан сиргэ-буорга тэпсиллиэм, бар дьон күлүүтүгэр-элэгэр,
сэнэбилигэр сири-буору сирэйдэнэн, эрэй эҥээрдэниэм кэриэтин,
төрөтөн түҥнэри төлкөлөөбүт төрөппүгтэрбиттэн, бар дьоммуттан,
араҥас далбар алааспыттан, аал уоппуттан, алаһа дьиэбиттэн арах-
сан уостубат уйгулаах, дьол-соргу тосхоллоох улуукан эбэм Өлүөнэ
үлүскэннээх сүүрүгүн өрө-таҥнары сыыйан, онон уһун суолум устун
уста оонньоотоҕум, — диэн дьонугар биир тылы эппэккэ, дьонуттан
биир бэлиэ тылы истибэккэ айан суолун устун ойо турбута үһү. Кыр-
дьыга даҕаны, биир киһи сылдьыаҕын сылдьыах, гонтон толлубат,
ириэнэхтэн иҥнибэт хорсун, хоодуот, бөҕө булугас аххан өйдөөх уол
оҕо барахсан этэ буоллаҕа. Ама да аһыырбын-таҥнарбын булунуом
суоҕа диэн мунаахсыйыах бэйэлээх буолуом дуо?! Дьэ, ити курдук
дьиэтигэр-уотугар саҥа биллэн-көстөн, сана Наара Суох аатыран,
күндү күнүттэн үтүөнү эрэ күүтэн, олоҕум бу курдук омсолоохтук
оҥкулламмыта буолуо диэн оройдообокко көтө-мөҕө көрүлүү-
нарылыы сылдьан, ити курдук охсуллан хаалбыта дииллэрэ.
Наара Суох бастаан дьиэтиттэн тэйээт, өрүс кытылыгар олохтоох

7 Заказ № 119 97