Page 85 - Олоҥхо биһигэр

Арамаан маҥнайгыттан колхоз төһүү үлэһитэ буолта. Сайынын,
кыһынын бары тутаах үлэлэргэ холобур көрдөрөөччү, Дьааҥыга Моой
Үрэхтэн таһаҕас көтөҕүүтүгэр, уопсай дьыала туһатыгар тылланан сыл-
дьара. Сотору колхоз удаарынньыга аата бастакынан иҥэриллибитэ.
Таас чоҕу хостооһуҥҥа Алексей Стаханов улуу холобура дойду
үрдүнэн тарҕаммыта. Манна оччолорго техника аҕыйаҕа, илиинэн
үлэлээһиҥҥэ от охсуутугар, мае кэрдиитигэр, бурдук быһыытыгар
нуормалары куоһартаан, Арамаан илиинэн үлэлээһин быһаарар
суолталааҕын үтүө холобурун көрдөртөөбүтэ. Кини көрдөрүүлэрэ
сурукка-бичиккэ киллэриллибэккэ, бэйэ икки ардыгар кэпсэтиигэ,
хайҕааһыньгнан муҥурданан испиттэр. Колхоз, биригээдэ комиссия
тэрийэн рекорд олохтото түбүгүрбэтэхтэр. Ити үгүс сирдэргэ эл-
бэхтик таһаарыллыбыт бүттүүн итэҕэспит эбитэ буолуо. Холобур,
Атлан төрдүн оройуона (Уус Алдан) тэриллибитин кэннэ Мүрү алаас
дьоллоох туонатыгар буолуталаабыт хаһан да мус-тубатах элбэх киһи
тоҕуоруспут ыһыахтарыгар аатырбыт быһыйдар Литвинцев Николай
Матвеевич, Бээрийэттэн Никифоров Михаил Пантелеймонович,
Лөгөйтөн Егор Бурнашев, куораттан тахсан Босиков Дмитрий Куприя-
нович төһөлүүнү кылыйбыгтара, ыстаҥаҕа, сүүрүүгэ көрдөрүүлэрэ
ханна да бэлиэтэммэккэ хаалбыттар.
1936 сыл өҥ сайыҥҥа алаастар тыаларын саҕатыттан сытар от
үүммүтэ, Арамааннаах колхозтарыгар биир ат, биир оҕус косилкала-
ра баара, сир бастынын эрэ охсоллоро. Быллаардаах кыра сирдэри
илии хотуурунан оттууллара. Сыалдьалаах алаас ортотунан тумус
үтэн киирэн синньиир, хоту, соҕуруу өттүлэрэ, ат бэрэмэдэйин бы-
рахпыт курдук, куоҕахтанан кэҥээн бараллар. Бэттиэмэ онон-манан
үөкүрүктүйэн сытар гына долгуйа үүммүт. Арамаан биригэдьиири
кытта кэпеэтиинэн, рекорд көрдөрөр сыалынан (комиссията суох)
охсуутун сарсыарда сэттэ чаастан саҕалыыр. Илин тумус тыаттан
түһэн арҕаа тыа саҕатыгар билии хонууну быһа туораан тахсыбыт
сиринэн алааһын кэтитэ 160 м буолбут. Хотуурун аҕааннаан баран
тохтообокко 15 эргиири оҥорбутун кэннэ кэргэнэ Маайа өйүөтүн
киллэрэр. Охсубут сирин икки өттө кэҥээн, 200-кэ метр буолаллар.
Анаар отто хомус булкаастаах, хойуу мунур бэттиэмэ отто хаппыт,
сэтиэнэхтээх, охсорго лаппа кытаанах, атын отто онон-манан сыппыт
хойуу бэттиэмэ тордо сииктээх, кэбирэх этэ. Күн киириэр диэри
кэҥэтэ түһэр инибин диэн холо аһыллан, имэҥирэн охсо турдаҕына
тумус тыаттан аҕата, колхоз суотчута Сивцев Василий Захаровичтыын
тахсан кэлэллэр. Биир саһааннаах атыллатыы маһынан охсуллубут
сири мээрэйдээн бүтэн суотчут: «Арамаан, бүгүн 3,16 ганы охсубук-
кун», — диэн бэлиэтээбит. Онон үлэтэ мээрэйгэ ылыллан, охсорун
тохтотон, дьиэтигэр тахсыһар. Чаһыны көрбүттэрэ 5 ч. 30 мүн. эрэ
буолбутуттан соһуйаллар. «Ол күн өйүө-утах киллэрбиттэрэ уонна
сирбин мээрэйгэ ылбатахтара буоллар кэҥэтэ түһэрим хаалбыта», —
диэн Арамаан былдьата сытар ыарыытыгар охто сытан кэмсинэрэ.
Күһүөрү от үлэтэ бүтүүтэ колхоз председателэ Стрекаловскай З.Ф.:
6 Заказ N° 119 81