Page 111 - Алаатыыр Ала Туйгун. 2-с үйэтэ

Уллуҥахтарын тыаһа
Уордаах этиҥ курдук
Улуу дойдуну
Улаҕатынан уораһыйда.
4370 Аарыма байҕаллар уулара
Адаар таас хайаны
Быһаҕаһынан охсуллан,
Баалланан тахса-тахса
Төттөрү эҕирийэн,
Үөр таба кыыл курдук
Таҥнары сатайданан,
Түһэ турда.
Туустаах дьүккүүр
Тумара байҕаллар уулара
4380 Туруук хайаны
Быһаҕаһынан охсуллан,
Өрүтэ ыһыахтана-ыһыахтана,
Буур тайах курдук
Таҥнары бууралаан түһэ турда.
Туруук хайалар
Лоһугуруу сууллулар,
Таас хайалар
Лаһыгырыы саалла турдулар.
Күкүр хайа көҥүрүйдэ,
4390 Килиэ таас хайалар
Киҥкинии сууллан
Сатарыы турдулар.
Кыырай халлаан кырса
Кыһыл уотунан кырбаста,
Одун халлаан уорҕата
Ускунньахтаах уотунан охсуста,
Сэттэ биттэхтээх
Сир ийэ сиидэ курдук
Сиксиллэн-титирэстии турда,
4400 Тэбиэ халлаан
Чинэрийэр уорҕатыгар
Тэгилитэ тыган тахсар
Тэргэн ыйым иитэ
Түҥнэри эргийэн хаалан баран,
Араҕас маҥан халлаан
Арҕаһын кэҕэтигэр
Алтай тиэрбэс курдук
Арылыс гынан көстө-көстө
107 -