Page 113 - Алаатыыр Ала Туйгун. 2-с үйэтэ

Кыбыыларын кыайбакка,
Кыллыы сыыйар буолбуттар.
Ол иһин:
— Орто дойдуга туох ааттаах
Охсуһуута-оһоло
Айдаана-араллаана буолла?
Тоҕус дуолан бухатыыры
Түһэрэҥҥит туттаран таһаарыҥ,
4460 Туох бэйэлээх
Дохсун күустээхтэр түбэсиһэн,
Бачча үлүгэри таһаардылар,
Нохтолоох тойон сүрэхтэрин
Чобурҕаччы эмэн көрүөх этим, — диэтэ
Тойонноро улуутуйар
Улуу Дорхон оҕонньор.
Тоҕус мөҥүрүк
Мунньаҕы мунньахтааннар,
Бэкидийэр Бэки Суорун
4470 Бииһин ууһуттан,
Күлүк дьэргэлгэн удьуордарыттан,
Тахы Чуораанчык аймаҕытган
Талыллан-талыллан,
Тоҕус дуолан бухатыыры
Тутан таһаарарга соруктааннар,
Суордаах суодуйа хаан аартыгынан
Туос-ала буурай оҕустарын
Буор булгунньах
Быһаҕаһын саҕа
4480 Муус Кудулу сыарҕаларыгар
Умсары келүйэннэр,
Уодьас-аадьас сүүртүлэр.
Ү өгүл үүр-үгүрэлиир
Өһөх-балай
Өксөкүлээх Дьэбийэ хаан
Аартыкка тиийэн,
Өттүктэрин баһыгар диэри
Өҥөйөн тураннар,
Муус кынчалҕан харахтарынан
4490 Умсары одуулаһан,
Кыҥаан сынтаарыһан
Көрөн бараннар,
Икки дойду бэгийэр бэртэрэ,
Албан аатгаахтара

- 109 -