Page 116 - Алаатыыр Ала Туйгун. 2-с үйэтэ

4580 Добун силлиэ буолан,
Өрүкүс гынан хаалла.
Хахайдаах хатыыска хара аартыкка
Тиэрэ таһылла түстүлэр,
Күдэриктээх халлаан
Көөһөнөр көҥүрүйэр
Күүстээх буурҕалаах
Күлүк дьэргэлгэн аартыкка
Күөһэлийэн түстүлэр,
Суураллар-суккуллар
4590 Суордаах кэҕэлээх
Суодуйа хаан
Дьураа хара аартык
Суугунуур дьулаҕайын
Туура харбаан,
Мэлдьиҥ өйдөөх мөҥүөнүн
Мүччү тутан кэбистилэр,
Киэҥ халлаан кэҕэрдэн,
Үрдүк халлаан өҕүйэн,
Кубулҕаттаах халлаан
4600 Кулгуйан кэбистэ.
Бастара атах,
Атахтара бас буолан,
Түҥнэри-таҥнары ытыллан,
Түһэн истилэр,
Соһо чуоҕур былыт соһуутун
Мүччү харбаан кэбистилэр.
Түмэн бараан дойду
Түҥкэтэх түгэҕэр
Түҥкэлийэн түстүлэр,
4610 Айыы сирин
Анараа тардыытыгар
Алларастыы турар
Аат айаҕа тардан ылла.
Аллараа диэки
Албас хара
Ап-солуонай
Аартыгын уотун
Айыылыын-абааһылыын
Таҥнары суккуллан түһэ турар
4620 Өлөр-өлүү чөҥөрө байҕал түгэҕэр
Дьылҕан тиит саҕа
Чыыбыгырыыр тыймыыттаах,
- 1 1 2 -