Page 118 - Алаатыыр Ала Туйгун. 2-с үйэтэ

Орто туруу
Дьоҕул дойдуга
Туох ааттаах
Улахан охсуһуута турда,
4670 Айдаана, алдьархайа таҕыста.
Аҕыс адьырҕа
Бухатыырда таһаараҥҥыт,
Ол тэттик мэник уолаттары
Тараччы туттаран киллэрэн н ит,
Итии хааннарын
Итиитэ иһэрдэ охсуҥ,
Көхсүлэрин хаанын
Ыймахтата тардыҥ, — диэтэ.
Инньэ диирин кытта
4680 Аллараа аҕыс биис ууһуттан
Аҕыс адьырҕа бухатыырдар
Талыллан-талыллан тахсаннар,
Харса бээгэй
Хара моҕой оҕустарын
Аҕыс атахтаах
Наарта хара
Сыарҕаларыгар көлүйэннэр,
Аллаччы олорон,
Адаарыччы миинэн,
4690 Албас хара
Ап-солуонай [аартыкка]
Адалыйан тахсаннар,
Буордаах баттахтаах,
Муустаах ытыстаах
Буулаҕа хара бухатыырдар
Муус кынчалҕан харахтарынан
Охсуһа турар бухатыырдары
Одуулаһан олооруҥнастылар,
Кыҥаан мыынньаһыннылар.
4700 Ол гынан баран
Икки Сибиир
Бэгийэр бэртэрэ,
Албан аатгаахтара,
Толбон сурахтаахтара,
Дохсун күүстээхтэрэ,
Дуолан бухатыырдара
Айыы хаан аймахтарыттан,
Алаатыыр Ала Туйгун
- 114 -